أذهلتني
أذهلتني يوم صوبي مقبله
شفت موتي بين غدران وظلال
لو بلف الكون كله بأكمله
البسيطة مدن وسهول وجبال
( مارأت عيني جمال يخجله )
من جماله يختجل كون الجمال
التدلل من دلاله دللـه
فيه مدلول الجمال بلا دلال
جل من صور جماله وكمله
كامل حسنه ولله الكمال
حدر داج فوق متنه ينشله
ناثر القصة على قوس الهلال
واللواحظ كالسيوف امسلله
كن يلعب بالهدب موج الشلال
قلت له دمي لكم من حلله ؟
وإلتزم بالصمت مارد السؤال
وش حياتي والرماح مظلله
لاحول عندي ولاعنها محال
الضمير بنار كبرى تشعله
باندفاع الحب وردود الخيال
من غلاة الروح طوع مذللـه
في الخوافي لايحول ولايحال
له طروق الشعر فكري مدهله
منهله وارويه من غزر زلال
انسج المعنى بحروف مرتله
من طرايف شرد بوحي الخيال
واشكي آلام الجروح المدمله
نالها قلبي وهو صعب المنال
غناء الفنان:عبدالمجيد عبدلله
كلمات : محمد القرني
Bookmarks