أبي منك عذر مقنع تَعبت أعطيـك مـن عنـدي
أبي صدقِك ولو مرة يفوق الكـذب فـي ذاتـك
إذا أخطيت لا تنكِر ولا تتـوارى فـي صـدّي
يضايقني الجفا منِـك كثـر شوقـي لجلساتك
تزعلني ولين أرحـل تخلينـي بشقـى وحـدي
أظل أبكـي ولا أشكـي تزيـد أكثـر بغيباتك
ولا تسأل أبـد عنـي تمـر أيـام فـي بُعـدي
تجافينـي ولا كِنـك علـي مخطـي بكلماتـك
أخاف وحيرتي تكبر وأحط يـدّي علـى خـدي
أفكر فيك وين انت .. حبيبـي طـوّل شتاتـك
أطالع صورتك واسرح .. عيونِك حلمي الوردي
أموت بنظرتك وأعشق سكون الحرف بشفاتـك
أبي أصبر على بُعدك ولكن كـل شـي ضـدّي
أصـد الشـوق يعانِدني يحنّني لهمسـاتك
ولا أقدر على بُعـدك خـلاص بشوفتـك ودّي
حبيبي جانِك المخطي حضنت بروحي زلاتك
واذا عندِك عذر مقنع أنـا هاللحظة ماعندي
سوى حبٍ ملى صدري يفوق الحب في ذاتك
Bookmarks