أصفـر السمّ ما يذبح ثعابينـه ؟

[الجذاب]

[poem=font="Simplified Arabic,6,black,normal,normal" bkcolor="transparent" bkimage="" border="none,4,teal" type=0 line=0 align=center use=ex num="0,black"]
أرفع الراس و الـزلات أجنِّبهـا
رفعة الراس ماهي مثل تطمينـه

خوّتي ما فطنت احـدٍ يعذربهـا
والردي حد ربي بينـي و بينـه

و العلـوم الرديـه مانقلِّبـهـا
كل شـيٍ نـرده فـي ميادينـه

والنوايـا الخفيّـه مـا ننقِّبهـا
لكن العلم باين مـن عناوينـه

النفوس المريظه مـن يطبِّبْهـا؟
والبصيراللي يدرك لو عمت عينه

كلمة الشرّ فوق السطر نعْربهـا
ندرك العقـل و نميّـز مجانينـه

عارفين البشر لا شـطّ مذهبهـا
ونعرف السارق اللي تقطع ايدينه

كانك اللي علوم الشـر جالبهـا
أصفر السمّ مـا يذبـح ثعابينـه

كلمتك مثل عظم الكلب تجْلبهـا
تحفر الارض ثم تدفن بها الشينه

الردي ما تعلّى فـي هضايبهـا
خابرين النّخل من شجْرة التينـه

بكرتك من تمثنى فوق غاربهـا
الفحل ...قام حظك في موازينـه

كانك اللي سهام الموت تجْنبهـا
إنتبه لاتقـرّب مـن شياطينـه

غانمين المراجل من مظاربهـا
في نهار الملاقى مـن يجابينـه

من عرف لابتي ماعاد يقْربهـا
رادعين السفيه اللي طمع فينـه

كاسبين الغنايـم فـي حرايبهـا
يوم جدّك نسوقه مـع بعارينـه

لا مسكنا سيوف الهند نخْظبهـا
وكمِّ شيخٍ قصفنا تالـي إسنينـه

لو يزيد الحطب بالنار و يْشبهـا
يكوي الغارب المشعاب في حينه

إخمد النار قبـل انـي أخرِّبهـا
وإحمد الله مدام النفس لك زينـه

[الجذاب]