كلمات أغنية أعجبتني وياريت تعجبكم مثلي
عديم الود
عديم الود يا دنيا غدر بي .......... انا وافي معه ما خنت ساعه
تناساني نساني باع حبي ........... وذاك الجود والمعروف باعه
سحرني يوم ما شفته معدي .......... بعين الريح شامل في شراعه
وانا المسكين مدري ما يخبي .......... وسط قلبه وما تخفي طباعه
برمش العين ياسرني ويسبي ......... ويمهرني جماله ووداعه
بنظرة وابتسامه صاد قلبي .......... وضحكة زائفة والقلب طاعه
تملكني ملك عقلي ولبي .......... ملكني مثل خاتم في صباعه
نهبني شل كل اللي بيدي .......... طلع طماع ما عنده قناعه
على حيلة جفاني في تحدي ........... وزيدني ولع فوق الولاعه
وكانت غلطتي والذنب ذنبي .......... زرعت الحب في قلبي زراعه
انا ما اقول غير الله حسبي .......... يطفي شوق قلبي والتياعه
تركني اسكب دموعي فوق خدي ....... ندم حسرة على العمر اللي باعه
محبة من طرف واحد وربي ....... أنا صادق وهو حبه اشاعه
Bookmarks