العضو الأكثر نشاطاً هذا اليوم 
يا حلو لثغتها...... مريخيات ......
1- يا حلو لثغتها
نور عيني تبعثرني متى ما لفت ... وكل الاوراق تتلخبط بشوفتها
لا حضر نورها نور الليالي خفت ... ذيك حتى المسا يحسب لطلتها
المشاعر ليا من صادفتها دفت ... والاحاسيس تتباشر بجيّتها
أنجذب حيل صوب عيونها لا غفت ... تجذب الكون كله جاذبيتها
إن صفا جوها دنياي معها صفت ... ما يروّق مزاجي غير ضحكتها
البراءه ليا منا كبرنا اختفت ... بس اهي عكسنا زادت براءتها
إن حكت من خجلها دنّقت وارجفت ... هذا هالحين وشلون بطفولتها ؟!
كن بلسمها لثغه ليا سولفت ... بس يا حلوها ويا حلو لثغتها
2- ثلاث أيام هاك كل القصايد هاك واقريهن ... لا تقولين ش اخرهن وش اولهن
كلهن فــدوةٍ لك هالك قوليهن ... في لسانك ترى لسانك يجملهن
غيبتك أثــرت في حــال راعين ... قطعة أيـــام عيّا لا يتحملـهن
بس يمكـن ثلاث ايام غبتيهن ... لعنبوها لثلاث ايــام ما اطــولهن
طالعي في فعايلهن وشوفيهن ... تحـــت عيني تبين لك فعايلهن
ما هقيت اني اسلم مــــن بلاويهن ... بهذلنّي جعل ربي يبهذلهن
وتهت حتى القصايد قمت اعنيهن ... يكملن وانسى واعوّد واكمّلهن
والمعاني غريبه !! .. قمت برجليهن ... باتشرّط عليهن وآخذ اجملهن
اتركي هالثلاث ارجــوك خليهن ... سولفي باي حاجه بنتجاهلهن
انــسي ايامهن وانسي لــــياليهن ... همّليهن وانا مثلك باهمّلـــهن
لا تجيبين ســـيرتهن وطاريهن ... انزعــــج حيل لاقمت آتخيلهن
3- تكفون خلوه تكفون خلّوه لا تحصون غلطاته ... انا ادري انه تلف حــــالي وضيعني
وادري سواة العدو ابرك من سواته ... بس ان قلبي واعرفه ما يطاوعني
هذاك انا اضيع لا طالت نظراته ... بعيونه الســـــود يسمح لي ويمنعني
أحلى عــــلامات فالدنيا علاماته ... متّع نظر كـــــل من شافـــــه ومتّعني
خلـّوه يخطي انا راضي بســــيّاته ... يخطي بكيـــفه ولكــــن لا يقاطعني
من كثر ما اغليه صرت افرح بزلاته ... ولو قلتوا اخطا عليك اقول وش يعني ؟!
خلاني أمشي على كيفه ومشهاته ... طوّعني شلون ؟! مدري بس طوّعني
4-زودتها حبتين لا لا تكثر حلوفك
بديت املّك واعوفك
تمون .. لكن أشوفك
زوّدتها حبتين
ان كان تبغي الحقيقه
هالوضع ما عاد اطيقه
كلٍ يروح بطريقه
والله يستر عليك
ياللي تغيّر ودادك
ابعد وطوّل بعادك
دامك بديت بعنادك
تحمّل اللي يجيك
هاذي القصائدمن كلمات امير الشعراء الشباب
وهاذا الاسم الي احب اسميه خالد المريخي
شاعر مبدع بمعنا الكلمه شبابي اسلوبه في القائى قصائده
بيجذب اي شخص مهما كان عمره الى استماعه
ارجوم منكم ابداء ريكم بالشاعر
وبهاذي القصائد الي اخترتها لكم
معا حبي لشاعرنا الرئع
معا حبي لكم
روميو
رد مع اقتباس
المفضلات