العضو الأكثر نشاطاً هذا اليوم 
66بيت×66حكمة اجتماعية وطبيه هديتي لكم جميعاً
يا طالب الله اطلبه زيد الطلب=لا تجعل المخلوق يسمع لك سؤال
ربك هو الي رازقي عبر الحقب=فاجعل دعائك له يجنبنا احتلال
وربك المعطي وهو ذي قد وهب=من يطلبه يعطيه مافيها جدال
حافظ على مالك وحقلك ذي صلب=وجيد مالك لا ترده بالقفال
واذكر لك الغايب بطيبات الطيب=عزه بلسنك واجعله عمك وخال
ذاك العزيزالجيد هو خيرالصحب=يوقف معك بالحق ماسك بالنصال
الجيد اغلى يا خوييي من ذهب=كله ذهب صافي مكمل بالخصال
كسب الفوارس ربح مافيهاعطب=لا تخسر الغالي بقولك والفعال
خلك مع الصالح وذي لله قرب=اجعل حياتك بينهم في كل حال
وعابر سبيل القوم لبه بالقرب=لبه بشربه والغذى كنه عمال
وانسى المعاني ذي لها غنه وسب=مالك والفاض التدلع والحثال
واقرض لك الوافي وذي ماله نهب=قرضه بلا منه ولا فيها اشتعال
ومهلة الوافي اذا ماله صبب=او فارقه عسره وجيبه فيه مال
واعطي لمن يسئل ولو حبه رُطب=محال تخسر ما بذلته ذى محال
هذه نصايح من اخوكم ذي جرب=مرت عليه اهوال كم عانا وجال
وفارق السكار ذي خمره سكب=لا تقترب منه تجد فيه السعال
والزاني الملعون ذي كله ذنب=خله كما المكلوب ماله في زوال
والاقربون اولى بجودك في الحنب=ذي امره استصعب تسهل له سهال
والفسل صده لا يغرك لو كسب=بايتركك في يوم تحتاج الرجال
لا تأمن الكاذب ولوهو لك جلب=ومن غدر لا توزنه لو بالنعال
وخل كل الناس تسمع لك وجب=بالود والمعروف والقول الزلال
ولا يغرك مدح مادح بالعرب=وان قال صفاتك كلها فيها الكمال
لا تصحب الاحمق يدخلك الذرب=با يحرق اليمنى ويعدى للشمال
ومالك الي قد جمعته من رجب=خله بصندوقه للايام الطوال
اختار معدن جيد خله لك نسب=المعدن الممتاز تلقاه بالعيال
وخل تلك البنت ذي تطرب طرب=حتى ولو هي مثل عزوزه جلال
يا ذاري الذروه غداً تلقى الصرب=ازرع عنب تجني عنب كله حلال
ومالك وللمغرور ذي كله حطب=ذي يحسب انه بدر ولا بن طلال
ان كنت له نافع يقوس للشنب=وان انت محتاجه تعذر بالف حال
واياك والحاسد اذي جوفه لهب=ذي يحسدك لا كنت جامع للغلال
والواشي اخطر من اصابات الكلب=الواشي ادنى من نجاسات البغال
اغلب قتال الناس من واشي نصب=يبدأ بكذبه والمخاتم كم قتال
وان كان في قلبك محازن او كرب=فاجعل لسانك ذكر للمولى الجلال
ذكرك لربك نوع من بذل السبب=كي يلهمك للنور تنظر للجمال
لا تجرح الصاحب وتعمل له مطب=جرح القريب اكبر وصعبه ان تزال
ووالدك ما قال لك قله وجب=والوالده لا تعترضها في سؤال
تلك الرياضه ذي تراها والنخب=با تجعلك مهموم في عد السجال
كل النوادي كلها فيها الخرب=الفوز ماهو بالكره يا ابن الحلال
المسجد الاقصى عليه اهل الصلب=ويصيح واغوثاه واحنا في غفال
اين العروبه يا حسينين الطلب=اين راية الاسلام تلمع بالجبال
تباً لعرب اقزام بل مليون تب=هم ذي لوو بلمسجد الاقصى الحبال
قلبي على الاقصى تفطر وانتحب=لو كنت انا قادر فديته كل مال
ارض الفرات ابكت وابكينا رجب=اما صفر قد مات من قبل النظال
خيراتها تسلب مع من ذي سلب=والارض تشعل نار كم فيها هوال
ناظر وتلقى عند شيعتنا عجب=هم من فتح للغازي الحاقد مجال
والمؤمن المظلوم قد شاطه غضب=مما رأى عند الشيع كم من فعال
كم يقتلوا من ناس من بترالعصب=وفي دهاليز معتمه وفوا الكيال
خليك مثل الليث ان قام او وثب=واجعل عدوك يجهل اسمه بالمقال
ما يكفي استنكار او كثر الشجب=ان كان عدوك خلخل الدنيا خلال
من قال شجب فاعلم بانه قد كذب=مثل الذي اعلن جهاده بالعقال
يوم الجهاد احمل سلاحك والجعب=واجعل رصاصك للعدى تهطل هطال
يوم الجهاد اجعل نبالك في زعب=واجعل لك القدوة مؤذنا بلال
كم عذبوه بالحر واكووه باللهب=صبر وجندلهم بسيفه والنبال
واغرس عنب تلقى عناقيد العنب=وذي زرع حنظل ترى بطنه طبال
والشوكه ان غارت تخرجها العبب=وصيتي مجان وماهي بالريال
عشبة لسان الحمل ان دمك سكب=توقف دم النازف كأنه باحتفال
الكركديه يخفض لضغطك واللهب=وتعود لك بسمك وتضحك بابتهال
وزنجبيل اخضر لمن بطنه كبب=ترجع رشيق القوم مافيها عضال
اما السقنقور الذي من نهر طب=مع العسل تثني وتثلث بارتجال
اكل الجزر يجعل سعيده في عجب=تبقى تناظر لك متى تلعب قول
وعشبة البابونج تكثر بالصحب=فيها علاج يمتص منك الانفعال
وازكى صلاتي للنبي عد الكتب=محمد المختار ذي للكفر صال
رد مع اقتباس
المشاركة الأصلية كتبت بواسطة وحـــي
المفضلات