اهم شي نشني على العجوز اللي حاطه عينك على ولدها ثم نفذي ما ياتي:
1-خليكي مع امك ولا تروحين مع البنات وتتهيبلين اصبري عنهم لين تتم العمليه:63:
2- امشي وانتي حاطه راسك بين كتوفك ولا ترفعينه ابد حتى لو عورك.
3-كلمة خاله خليها دايم على لسانك خاصة لام المعرس علشان تحس بنوع من التميز عن باقي العجايز.
# ملاحظه لا مانع من مناداة عجوز ثانيه بخاله علشان اذا ما نجحت الخطه مع العجوز الاولى يمكن تنجح مع الثانيه
والاحتياط واجب وانا اختك
4- اذا بدت امك تسولف انغزيها بكوعك علشان تدخللك بالسالفه حتى لو مالك داعي عملا بالمثل اللي يقول (الزنّ امرّ من السحر)
5- اخوانك الصغار لاحقيهم وطامري وراهم وين ما يروحون حتى لو ماهي من عادتك بس تصرفي معهم كانك امهم علشان العجوز تاخذ فكره انك حريصه عالاطفال.
6- كل ماكلت امك من اكله زينه خليها تقول :نفس الاكله اللي تسويها بنتي حتى لو الاكل من مطعم صيني او هندي
.
اذا جيتي بتشيلين شي توجعي وخلي امك تقول: قايلتلك وانا امك ماله داعي تنظفين جدران البيت========( أقول نظفي غرفتك اللي تقولين منفجره فيها قنبله ذريه)
8- اذا تكلموا الحريم عن العرس اكتمي نفسك لين تحمر خدودك علشلن يقولون البنت حياويه بس لاتطولي وانتي كاتمه اخاف تروحين فيها واكون قتلت نفس بغير حق.
9- مهما كان الموضوع حماسي لاتبدين رايك لان اللقافه ممكن تجيب اجل الخطه.
10- شعرك افرديه لاتخلينه طاير ولا تجعدينه لان العجايز مايدورون الا اللي شعورهم ناعمه.:73:
11-اذا ادلت ام المعرس المنتظر بأي رأي سياسي او اقتصادي او اجتماعي وافقي عليه حتى لوهو ماصخ اوغلط او ماله داعي.
# مثال تقول العجوز البارح تقهوى عندنا بوش*قولي لها ليش ماعلمتينا ياخاله نجي نساعدكم.
12- في الزواجات امسكي اعصابك ولاتتهوري وترقصي وان كان شر لابد منه فخليها مره وحده وبدون هبال. :66:
13-اذا جاء طاري السوق وهو لازم يجي خلي امك تقول بناتي مايحبون السوق بصراحه مانروح له كثير :65:
هالحين العجوز تكون طاحت في الفخ======= ويجي دور المعرس :
1-اهجدي في بيت اهلك واذا جاء المعرس يشوفك خلي ابوك يقول:ودي تشوف البنت من غير ماتدري عشان تاخذ راحتك وانا عمك وبعد تشوفها على الطبيعه ماتقول غشيتوني(طبعا الشايب وده يحط بدالها باسكال مشعلاني)
2-قبل يجي اليوم اللي بيشوفك فبه بحوالي اسبوع او اكثر على حسب شين الوجه طامري من صالون لصالون من فرد لصبغ لتنظيف بشره...............الخ.
3- اذا جا المعرس خلي اخوك يوقف بجنبه علشان ما يطول التبحلق ويبان المستخبي وذلك لتبيق النظريه القائله (اللمحه ذبحه) :42:
4-في نهايه المشهد خلي ابوكي يقول معليش وانا عمك ترى البنت شوي محيوسه.
#هنا طبعا الولد بينط على الوالد ويبوس راسه لين يشفط مخه ويقول متى العرس ياعم؟
تحذيرمهم:
ابتعدي عن امهات العيال المتعلمات راعيات الشنطه نفس لون الجزمه هذولا يبي لهم خطط بعيدة المدى.
بلييييز لاتخذون الموضوع بجد اخاف تعنسون بعد هالحركات واشيل ذنوبكم ههههههههه
اسال الله لكم بالأزواج الصالحين اللي يسعدونكم دوم يارب وبالذريه الصالحه والسعاده الدائمه والاهم انه يخلي لكم اهلكم عزتكم وتاج راسكم.
دعواتكم لي
ملطوش لطشه تمام <<< اللطش لأجل الفائده
Bookmarks