قصيدة...(حب في عصر الاترنت)..!!

[اجمل ملاك]

فيروس هجرك عطل القلب تعطيـل ...... ودمر ملفات الفـرح فـي حياتـي

ياللي سكنت القلب من دون تحميـل ...... متـى لموقعنـا تشـرف وتـأتـي


عنوانكم ماهـوب ياهـو وهوتميـل ...... عنوانكـم روحـي و قلبـي و ذاتـي

كم مرةٍ أرسلـت لـك عبر الإيميـل ...... وأدورك فـي منتـداي و شـاتـي


وأرسلت لك يازين فايـلٍ ورى فايـل ...... فيها الغلا والحـب يا أغـلى أمنياتـي

وأرسلت لك قصة عذابي مع الريـل ..... ياللي غيابك هـو سبايـب شقاتـي


دايم عليك أبحـث بياهـو و جوجيـل ...... وأنـت ولا تسـأل علينـا بتـاتـي

خابرك بانتيوم فـور أصلـي و إنتيـل ...... لكن خسـارة غيـروك الوشاتـي


وكان الهكر غروك بالقـال والقيـل ...... بأدعي عليهم في سجودي وصلاتي

ياجعلهـم بقعـاء وطيـرٍ أبابـيـل ...... ترمي عليهم بأمـر ربـي حصاتـي

يرضيك من حبك غدى منهك الحيـل ...... ريقي غدى ناشف ويبسـت شفاتـي


أقضي الليالي دمع عينـي همايـل ...... لا مـن طريت لـي تـبـدد سبـاتـي

صحـراي جفـت مالفانـا مخاييـل ...... وأنت المزون اللـي تـروّي نباتـي

[ابونواف الوصابي]

انتقاء جيد يا اجمل ملاك

يعطيك العافيه واقتبس مما نقلتي
وكان الهكر غروك بالقـال والقيـل ...... بأدعي عليهم في سجودي وصلاتي