السلام عليكم ورحمة الله وبركاته
من اليوم وحتى اشعار اخر يسرني الاعلان عن عودة ورشة الرياشي للتلميع
وبهذه المناسبة سوف يكون ضيفنا الاول والذي يحمل توصية مهمه للاعتناء به
بعد انهيار زعيم المعارضه وتشتت عصابته مما ادى الى ظهور اعراض الصدى
المزمن لديهم :
الزبون : هو عمــــــــــــــــر الكمالي :
عمر يدخل الورشة فتكون في الاستقبال المشتاقه لوطنها ,,,
عمر : السلام عليكم
المشتاقه : وعليك السلام
عمر : هذه ورشة الرياشي للتلميع
المشتاقه : والا ويشي ما لا تبسر اللوحة او مه ؟
عمر : الله يخارجنا ما لش معصبه دلا دلا
.
المشتاقه : طيب طيب ما تشتي ؟
عمر : انا معي توصيه للتلميع من الصدى .
المشتاقه : طيب شوف الموظفه ذي في المكتب اسمها بنت يافع
روح هناك تطلع كتابك وتفتح لك ملف .
عمر : طيب (( المسافة طويلة والركب تتحرك بصعوبه )
المشتاقه : ما بتقول ؟
عمر : ما قلت حاجه اانا اكلم نفسي
.
المشتاقه : الا ايش اسمك ؟
عمر : اسمي عمر الكمالي
المشتاقه : اهااااااااااااااا يا مرحبا واهلا وسهلا ايه ايه عايقع تنظيف مليح
روح للموظفه : بنت يافع .
يتحرك عمر الكمالي نحو بنت يافع في حين تجري المشتاقه مكالمه
مع بنت يافع .
المشتاقه : بنت يافع كيفك ؟
بنت يافع : مليح ايش فيش او بعدت المسافه .
المشتاقه : اسمعي لع يجي واحد مصدي ومذحل لو تدري منو
بنت يافع : منو لا يكون عبده الجندي
المشتاقه : لا يا درنا هذا عمر الكمالي الا مسوي عصابه مع مداح
والجنرال مرحول .......... معه توصيه لتلميعه من الذحل والصدى
بنت يافع : من صدق ؟
المشتاقه : ايه
بنت يافع : يا مرحبا واهلا وسهلا جاء برجليه ومحد سمى عليه
ناهي ناهي يا عمر عامل لي فيها عنتر في المنتدى غير نخليك صحن
لحوح يلمع ويبرق
عمر : السلام عليكم
بنت يافع : وعليك السلام
عمر : فيه كتاب .....
بنت يافع : كتاب توصيه ابشر موجود عا يقع خير
اجلس على الكرسي يا افندم
عمر : الله يستر البنت هذه نويه نيه ما هي شيء حلى
....... الله بسامحك يا مرحول تركتنا وهربت ....
يجلس عمر على الكرسي :
بنت يافع تجهز الملف في حين عمر يشاهد معروضات الورشة
زيت لتنظيف بقع الزيت بعد السرويس
طلاء ازالة صدى الاظافر
كلور تنظيف الصدى
ادوات التلميع والصنفره
واخير مركز عمليات التنظيف والتلميع
بنت يافع : اسمك عمر الكمالي
عمر : نعم
بنت يافع : طيب موعدك بكره بس يجي الرياشي
عمر : ليش هو مش موجود
بنت يافع : لا موجود بس زحمه والمواعيد اليوم كثيره
عمر : بس انا معي توصيه
بنت يافع : انا عارفه معك توصيه بس توصيه في تخفيض السعر
مش في تقديمك على الناس .
عمر : وانتي ليش انتي حاميه هكذا دلا دلا .
بنت يافع : معليش اخي عمر زحمة عمل
عمر : طيب امري لله
بنت يافع ....... روح لع يقع لك صنفره محصلتش .....
في الغد سوف نرى مالذي حصل مع عمر عند مقابلته الرياشي
.
Bookmarks