الشفوت يمي يمي

[المشتاقة لوطنها]

كيف حالكم جميعاً !
طبعا كلكم تعرفوا الشفوت
والي مع يعرف الشفوت فهو عبارة عن احد المقبلات
زية زي السلطة والحمص ... بالعادة يكون شيء رئيسي في رمضان اما بالنسبة للايام الباقية
كلاً على حسب مزاجة


المكونات :
بقدونس
كبزرة
نعناع
بسباس
طماط
ثوم

حقين
زبادي ( انا استخدمت بالصورة كريم )
لحوح او خبز او روتي لبعض حالات مستعصية
رمان للزينة

نخلط جميع الخضار بالعصارة ونرجع نخلطهم مع الحقين والزبادي
نقطع الروتي فوقة ويزين بالرمان ونحطة بالثلاجة يبرد لوقت التقديم

وبالصحة والعافية

[الرياشي]

ما شاء الله

وطباخه كمان ................... يا زين الشفوت
خصوصاً في اليمن والساعة 9 الصباح
بش شفوت واللبن بلدي ................

جامعيه .......... وطباخه .......... وتلميع المذحلين

ما شاء الله مهن معتبره

[المشتاقة لوطنها]

حياك الله مشرفنا العام ( هيبة ^^ )
طبعاً عشان ما تتهموني اني ربة بيت فاشلة .. عادني لو وريتك العصيد والمطيط عتجنن

مشكور على مرورك الذهبي

[الرياشي]

حياك الله مشرفنا العام ( هيبة ^^ )
طبعاً عشان ما تتهموني اني ربة بيت فاشلة .. عادني لو وريتك العصيد والمطيط عتجنن

مشكور على مرورك الذهبي

مطيط .................... ما هي مكوناته
العصيد معروفه بس مطيط اسمع به ما اكلته
الا هو للاكل او يشرب .......... حددي لو سمحتي

[بنت يــآفــع]

هذا مشو شفوت
ولا يمت للشفوت بصله

الشفوت حقي ثااااااااااااااااااني

اني اقطع الرغيف قطع صغار واقطع الخيار والجزر مربعات صغار وبالخلاطه حقين وحليب وقشطه وجبن مالح وقليل بسباس وذرة كاري
واكبهم فوق الرغيف والخيار واخليه يبلل شويه وبالعااافيه ^^

هذا حاجه حلوه بس مشو شفوت حقيقي ههههههههههههه

تسلم الاياادي
بس احس الرمان داخل عرض ^^

[زهرة الامل]

ياسلام يابنت يافع ماشفوتك الاء شفوت ههههههههههههههه

الشفوت عندنا وهو لحوح +وكراث مقطع صغير+وحقين يخلط معه( سحوق بسباس اخضر مع الثوم والكمون والكزبره )

في ناس تفرش الحوحه وتعمل طبقات مثل طبقه لحوح وفوقه كراث وتصب الحقين المبسبس وهكذا وناس تقطع الحوح وكلا على ليله

بس لامانع اجرب طريقتك وطريقة الاخت المشتاقه ربما تعجبني وتعجبك ايضا طريقتي يعني تبادل خبرات وشكرا

[ابن اللواء الأخضر]

ههههههههههههههههههههههههههههه
وربي احلى اكله
الله يسامحك
ذكرتينا باكل البلاد
وراح نسوي اليوم شفوت من بعد كلامك

مشكوره اختي على طرحك اللذيذ
هع

[الأمـيـرة]

روووعة ,, تسسسلم يدك المشتاقة ,,

نحن عندناا يزينوا بالرمان والعنب الأخضر

[يمانيه وفتخر]

يا عيني علييش اهم طبخه يمنيه>>>> اوفين طبخه خخخخخخ

احنا بثلالث طرق نسويها
الاولى مع اللحوح وونزين الصحن ان شاء الله بسويها واصورها لكم
الثانيه مع خبز طبعا نفت الخبز وبعدين بين الروب وهذي ضرووووريه فرمضان الوجبه الاساسيه
الثالثه مع كعك يفتو الكعك ويسوو بين اللبن طبعا بلدي يكوون طاازج من حق البقر وهذي الطريقه في البلااد يسووها واذا فيه عمال ينزلوولهم شرااقه

هذا الكعك
ك

[القلم الذهبي]

شفووت يمي يمي هههههههههههههه

افتكرت شافت شيء وخاافت خخخخخخخخخخخخخخ

الله يرحم جدتي
لو كانت شافت هذا الشفوت وانتي جنبها كان الصحن براسك

محطم


بنت يافع جيبي لها كورس بالاكلات اليمنية صح

ما شفووت الا لحوح والكراث ( البيعه يا دحباشية )
والحقين البلدي


يالله الحاصل ولا مابش

تحياتي

[المشتاقة لوطنها]

هذا مشو شفوت
ولا يمت للشفوت بصله

الشفوت حقي ثااااااااااااااااااني

اني اقطع الرغيف قطع صغار واقطع الخيار والجزر مربعات صغار وبالخلاطه حقين وحليب وقشطه وجبن مالح وقليل بسباس وذرة كاري
واكبهم فوق الرغيف والخيار واخليه يبلل شويه وبالعااافيه ^^

هذا حاجه حلوه بس مشو شفوت حقيقي ههههههههههههه

تسلم الاياادي
بس احس الرمان داخل عرض ^^

قشطة , جبن مالح , حليب , كاري , خيار !
هذا شفوت انتي متأكدة ؟
الرمان يصلحوة اهل صنعاء القديمة قوي
في صحن نحط رمان وصحن نحط عنب
ذكرتيني في وحدة جارتي هنا يافعية ما تعرفش ايش هوة الشفوت ليش؟

[المشتاقة لوطنها]

ياسلام يابنت يافع ماشفوتك الاء شفوت ههههههههههههههه

الشفوت عندنا وهو لحوح +وكراث مقطع صغير+وحقين يخلط معه( سحوق بسباس اخضر مع الثوم والكمون والكزبره )

في ناس تفرش الحوحه وتعمل طبقات مثل طبقه لحوح وفوقه كراث وتصب الحقين المبسبس وهكذا وناس تقطع الحوح وكلا على ليله

بس لامانع اجرب طريقتك وطريقة الاخت المشتاقه ربما تعجبني وتعجبك ايضا طريقتي يعني تبادل خبرات وشكرا

صحيح
حتى طريقتش احنا نسويها
هي تقريبا نفس طريقتي بس لا تنسوش اهم شي النعناع ^^