طلب: Final project cover design

[سامح الجنوب]

السلام عليكم ورحمة الله وبركاته

تحية طيبة وبعد ,,

حبيت اطلب منكم طلب وياريت ماتردونا

معاي تسليم مشروع التخرج خلال الايام القادمة

وبصراحة نفسي بتصميم للغلاف يكون عالي المستوى ع قد تعبي بالمشروع

وبصراحة وبدون مجاملة والله .. مالقيت تصاميم تروقنا اكثر من تصاميم الأعضاء في ملتقى الشباب اليمني

عشان كذا اللي عنده قدره على تصميم غلاف لكتاب ياريت يقول لي وانا بحط مجموعة صور وهو يعمل التصميم بشورهـ ويختار الصور اللي ع كيفه من بين المجموعة ويضيف من عنده بحيث يكون التصميم ( تقني ) .. ما ادري كيف اعبر وانما اصلا مشروع هندسة وتصميم يعني ما يصير يكون تصميم ناعم وحركات فقط .. اشتي اللي يشوفه يحس بأنه تصميم كتاب هندسي << يأست ماعرفت اشرح افهموها بكيفكم

طبعاً ياريت يكون اكثر من عضو بيساعدنا عشان يمكن اخذ التصاميم البقية كصفحات في بداية كل باب بس الأهم الغلاف الخارجي

طبعاً ادري دخلت بعد الغياب اتشحوت بس ايش اسوي مضغوط مرة وماعندي وقت ابحث في التصاميم واجلس اعدل عليها لأنه مستواي بالفوتوشوب يصل إلى الزيرو خخخ,, كبيري اجمع تصاميم والصقها .. ومهما سويت ما بيوصل التصميم للمستوى تبعكم

اخر موعد بتاريخ 15 ديسمبر عشان كذا ياريت يستعجل اللي بيقدم المساعدة ورح ادعي له بيوم عاشوراء الكريم والله

تحياتي وياريت تكونوا اشتقتوا لأخوكم مثل ماهو مشتاق لكم مش " فكة من مكة "

[المشتاقة لوطنها]

استحي شوية
من اول يوم داخل طلبات
الناس تجلس يومين وبعدين تبدأ تلمح

عموما هم اكيد بيجوا وبيساعدوك وان شاء الله تلاقي التصميم الي يجذبك

[سامح الجنوب]

ههههه مافيش معي وقت عشان استني يومين .. بستغل اليومين على بال مايجي مصمم يتبرع لنا بنص ساعة من وقته

بعدين ضروري الفضيحة ههه خليها يمكن تجزع ههههههه

[الصـامد]

ما عندي لك يمين يا سامح بس والله شوفتك هنا اسعدتني
وكمان ما عندي لك يمين ثاني بس والله اني مضغوط في العمل والحالة يعلم بها الله وحدة
ورغم ان تصاميمي بس إلى المستوى المطلوب بس بحاول اذا لقيت فرصة اسوي لك
وان ما لقيت فرصة يا ريت تعذرني

تحية طيبة

[سامح الجنوب]

وماعندي لك يمين بس والله انه لك وحشة

شوف يا سيدي إذا عندك وقت صلحت لو ماعندك فداء رأسك وربي مش ضروري كفاية كلامك وحضورك ونيتك الطيبة في المساعدة

عشان نسهل المهمة هذا غلاف لكتاب عجب اخوك ^^ المطلوب ان الكلام وكل الحقوق اللي عليه تطير من وشي ههه .. وينحط عنوان جديد وبخط أنيق يكون : WiMAX RF planning using Atoll
هذي الصورة
img.docstoccdn.com/thumb/orig/67809701.png

ايوة وكمان شعار جامعة عدن بأعلى الغلاف في الجزء الأيمن مثلا ^^ وشعار كلية الهندسة بالطرف الأخر

هذا شعار جامعة عدن
http://up.cyemen.com/uploads/cyemen13232130852.gif
وهذا كلية الهندسة
http://studyingboard.com/Images/Facu...ngineering.jpg

وتسوي كمان نفس التصميم بس بلا شعارات ولا عنوان عشان اخليه بمؤخرة المجلد

الآن تابع معي الروابط التالية : خخخخ

http://api.ning.com/files/9-weXoCyCb...737&height=416

http://api.ning.com/files/9-weXoCyCb...701&height=223

http://api.ning.com/files/9-weXoCyCb...737&height=416

http://www.mobilemark.com/images/large%20panel%204.jpg

http://www.blogcdn.com/www.engadget....wimax-user.jpg

http://www.computernewsme.com/wp-con...08/wimax-1.jpg




هذي كوليكشن صور هههه ادري كثير بس عشان اعطيك مجال تختار من بينها او ما تختار انت حر الشور شورك والرأي عائد لك وذوقك وخبرتك كمصمم تحطها كيف ما تشوف مناسب ..

الآن زي ما قلت لك انت او اي مصمم ثاني ممكن يتفضل بالمساعدة بالإمكان الاستعانة بالغلاف إللي في البداية او ابتكار اي شيء ثاني ولو انه الديزاين تبع الكتاب حلو واحسه قريب من فكرة المشروع

والله الله بدقه التصميم خليها عالية

ادري طولت بالطلبات وبالكلام بس ادي اننا اخوان واكيد ما بتتضايقوا مني ^^

[سامح الجنوب]

دي الصورة بلا كلام ^^
http://www.mediafire.com/?mgv2p9m3c56ovah

وفرت عليك لو بتجي

[براءة]

شكلي اجيت متأخرة ...المهم
هذا الي فهمته و إذا في أي تعديل أو إضفة حاضرة



: )

[صبا]

اييييه ذكرتني بأيام الشحاته

يلا عسى ربي يسهل تخرجكم .. حنبتو في اللحظة التاريخية انتو كمان هههه

موفقين يآرب

[سامح الجنوب]

شكراً اختي براءة وجزاك الله كل خير .. طالما وانت حاضرة انا بصراحة ما باستحي منك لأنه مافيش معي وقت لذلك وجبت الشحاته ..

اولا انت فهمتي صح وحطيتي الشعارات بالمكان المناسب ولكن للأسف الدقة تبع الصورة ضاعت واصبحت الصورة اصغر

وكمان في صور مرفقة اختاري منها ما تشائين واعملي عليهم تأثير وادمجيهم في الغلاف ويفضل لو يكون بالجزء الأسفل وبطريقة غير مزعجة .. خذي مثلا الصورتين
http://www.blogcdn.com/www.engadget....wimax-user.jpg
http://api.ning.com/files/9-weXoCyCb...737&height=416

وكمان الخط ياريت لو في خطوط احسن ^^

وسلامتك اختي ... ولو مافيك طافة او ضبحت بك عادي لا تتعبي نفسك اعملي حالك مافتحتي الموضوع هههه .. الف شكر


***************

صبا والله واجينا ع المرمطة اخ بس قهري ع نفسي

عقبال ما اصير مدير فرع مثلك ههه

تحياتي

[براءة]

و طيب والأن إن شاء الله يعجبك : )
http://dc07.arabsh.com/i/03635/vubdw2wsejr0.jpg

[المشتاقة لوطنها]

حلوة الصورة الي اخترتيها
متناسق صراحة

[براءة]

حلوة الصورة الي اخترتيها
متناسق صراحة

Thanx .....
إن شاء الله تكون عجبته هو
: )