سلام الله عليكم يا مذحلين
كيفكم عساكم بخير المهم
اتمنى لو تصفو الذحل الي فوقكم
يكون احسن لاني اشوف المنتدا
مليان ذحل هههههههه
المهم نبدى بالجلسة
الي حصلت بيني وبين الوالد داخل المطبخ
جلسة تعبر عن طبخة ريتها ما حصلت ههههههههههههههههههههههه
بداية لا تعليق بليز
اليوم خاصة دخلت المطبخ جالس اصيح على البيت ايش معانا من غداء
سمعني الحاج
الوالد...مالك يا هاني ليش تصيح.؟وطي صوتك لا ارجع اكسر لك راسك..؟
انا...حيا حياتك وحقي المال والله يا بة قليل جوع خلاني اتقرح
الوالد...لك جني يقرحك لو انتة جاوع اكلك قرصة ولا شماطي
انا..ماهوة يا بة قدوة وقت غداء وانا اشتي اليوم طبخة حلوة يعني اخليهم يغيرو لنا الغداء مش كل يوم رفاس
الوالد ..؟والله انك على حق خلا عندي فكرة انا بطبخ انا وانتة با نصلح طبخة انا وانتة وحدنا ايش قلت.؟
انا ...ما يهمك انا موافق بس مشنا داري كيف اطبخ..؟
الوالد... انا با علمك
انا... خلاص يلة نبدى بس ايش الطبخة الي بانعملها
الوالد...اسكت سكتة وقطع البصل والبسباس وخليهم على جنب
انا ....اوكية الان
بيدت اقطع ولما كملت التقطيع جاء وقدنا ابكي هههههههههههه
الوالد...ليش لا تبكي ههههه8 ماهوة هذا ايش لا تقطع عجل ولا ايش...؟ هذة بصلة قطعها شروخ عشان اقليها
انا ....البصل بكاني مشنا راضي ...؟ هاااة تمام بس مشنا داري كيف صلح علمني..؟
الوالد ...قد قلت لك اما الان قطع البطاط شروخ مثل الشبز بس خليهم كبار قليل
انا... اوكية
وبعدين قطعت البطاط يا عيني على البطاط
الوالد.. هات الدست با اقلي البصل
انا ..الان
الوالد..وهات الزيت
انا..الان يا عيوني
الوالد ..انا افدى عيونك لك جني يبطحك
انا ..ههههه ليش
الوالد.. مش وقتة اقلي البطاط
انا ..اوكية
قليت البطاط وهوة كمل البصل
وبعدين رجعنا
الوالد..هات الدجاج واقليها
انا..الان وقدنا شاموت جوع اخذت صغير حق دجاج وهوة شافني
الوالد..جعلك مع شاحاكا ودي لا تاكل الدجاج وعاد رحنا ما كملنا
انا...خلاص تمام بس قدنا جاوع
الوالد ..هات الرز وهات البهارات كلها وهات الملح وحمي الماء وانا بقلي الرز
انا..هية مة وابة ما هاكذا قدنا انا من يطبخ ويتعب وانتة جالس تقلي مرتاح
عني باسكعك بالصاج ذي بيدي هههه
الوالد... تسكعني والله لا شلك ودخلك داخل الدست
انا ...شاتفعل خير هههههه
الوالد... اقرب
انا ...لييش
قال اقرب
قربت وحصلت لي كف ابو عينة كف هههههههههههههه
الوالد تستحق هذا ما دامك قبلت تطيخ خليك ساكت
انا..خلاص تمام
شوية وقلينا البطاط والبصل والدجاج
وباقي الكبسة
الوالد ...هات لي مزقر عشان امسك الدست
انا ..الان
جبت لة المزقر يعني الممسك حق الدست
واخذ الدست وصباة وكبس
ورجعنا للهدرة
انا ... يا رحـــمتي على النسوان
الوالد ...اهم شي انك اعترفت يا حمار
انا...حمار لا تسب هههه
الوالد حمار وابن حمار
انا...اسمع لا تسب ابي ابي رجل طيب عيب ههههه
الوالد ....هههه جعلك حمرة
انا...طيب خلنا نخرج من المطبخ
خرجنا من المطبخ وقدنا شاموت جوووع جلست 5 دقائق
انا ...جاوع
الوالد...ان شاء الله تموت من الجوع ههههه
انا ...يا ريت لو كنت مت ما كنت دخلت المطبخ ههههههههههه
الوالد ... اخرج من عندي قبل ما اقوم اكسر راسك
انا ...كم باقي للرز لما ينجح
اخي..انا بارح اشوفة
شوية الا وسمعت طش بش هش دش سقطين الاداوي فوقة ههههههههههههههههههههههههههههههه
اسعاف
انا ...مالك يا مدوخ ايش عملت
اخي... طحستو
انا ... هههههههههههههههه تستاهل
الوالد ....انتم الاثنين با تجننو بي برع من البيت لما يقع الغداء ورجعو
وخرجنا من البيت
نص ساعة ورجعنا
دخلت البيت ساني على المطبخ
الوالد...هات الصحن وصب الكبسة
انا.. الان
صبيت الكبسة الى الصحن
واخذتها معي وقلت لهم يفرشو الجرائد
بيعدها وانا ماشي وبيدي الصحن باب الديوان دخلت وقلت باذوق وانا واقف
مشيت يدي على الصحن وطحس الصحن من ايدي
بعدها سقط عليا الصحن والرز والدجاج
وهاكذا وقعت الكبسة الى قاع الديوان ههههههههههههههه
قام الوالد وصيح وانا شليت روحي وهربت ههههههههههههههههههههههه
الان ايش رايكم بهذة الطبخة
تصدقو ان عادنا تغديتو بالمطعم ههههههههههههههههههههههههههه
وهذة هي الجلسة
مع تحياتي لكم يا مذحلين
المفضلات