حكم من حياة مستقيل
مقدمة
عشت طفوله سعيدة في كنف الوالد (حفظه الله):63: ... وكانت مشكلة ابي الوحيدة انه في اثنين هبلانفي البيت ( انا واخي )... كان خيالنا جامح الى ابعد الحدود واي حاجة نشوفها لازم نقلدها....يعني مره جدي لحق اخي في اخر لحظة وهو بيحاول يقفز من السطح (الجبا) ومعه مظله لانه شاف مسلسل الاطفال سنبل ويشتي يقلده . فكنت انا واخي مصدر المشاكل الوحيد في البيت
طبعا الفارق بيني وبين اخي سنتين.................فكانت اخوتنا صداقة ولا زالت
اما الحكم اللي استفدتها من حياتي
العقل غلب القوة
كنت انا واخي نعتبر النمر المقنع بطل قومي......وكنا نتابعه يوميا وبعد كل حلقة تحصل معركة بيني انا واخي فيكون هو (النمر المقنع) وانا (عضاض)....وهات يا ضرب من غرفة الى غرفة لما نتعب .......وصراحة كنت احصل ضرب من اخي (لانه الكبير) لما اقل بس.... وفي يوم كانت الحماسه عندنا زيادة فبدأنا المعركة وكان اخي هو المنتصر كالعادة ...المهم هربت منه الى غرفة وجلست في واحده من الزوايا وكان جنبي دولاب بابه زجاج...وفوق راسي المفتاح حق الكهرباء...وصل ااخي الى الغرفة وكان يشتي ينهي المعركة بحركة بهلوانية يعملها ويركضني بكعب رجله.....فاول ما قفز اخي طفيت السراج وما اسمع الا (طاخ طاخ) مسكين جات رجله على الزجاج وكسرته وشفته وهو بيقفز الى خارج الغرفة وبيصيح..وانا داخل الغرفة اقول انا الفايز....واسمع الوالدة بتصيح فوقة وضربته....رحت اشوف وان الدم مليان رجله.......طبعا انا كنت فرحان جدا لانها اول مره اهزم اخي وكنت في نفس الوقت زعلان عليه لانه عملوا له ثلاث رقع في رجله..
الحاجة ام الاختراع
كانت الوالدة دائما تخبي علينا الكرات لان احنا دائما نلعب كره في البيت.....طبعا احنا ما استحملناش الفكرةوقررنا ان احنا نتمرد.... فخرجنا بفكره ابداعيه....جمعنا الشربات حقنا (النظيفة طبعا)
ودخلناهن في فرده واحده وعملناهن بشكل دائري.......زي الكره وهات يا لعب في الغرفة.... وفشلت الخطة في منعنا من اللعب في البيت.
....ففعلا ان الحاجة ام الاختراع
حبل الكذب قصير:76: :76:
طبعا كنت انا واخي نعتبر (مضادات قناديل
في يوم كان الكل خارج البيت الا انا واخي فقررنا نمارس هوايتنا المفضله كرة القدم وهات يالعب في الحجرة.......وفجاءة وبتسديدتي(الصقر) اللي اخطأت الهدف وضربت القنديل وكسرته.....طبعا خفت انا واخي من الضرب اللي حنحصله :42: :42: فقررنا ان نقوم بعملية كوماندوز وسطو مسلح على الشقة اللي جنبنا لانها كانت فاضيه ( طبعا بيتنا على شكل شقتين ويطلين على الحوش)... وكانت الشقة مغلقة وما فيش معانا مفاتيح.......فدخلنا من الشباك ( مش قلت لكم كوماندوز)
الادمان يسوي الهوايل
اليوم سا عترف لكم اعتراف خطير جدا جدا جدا..... انا كنت مدمن ومدمن كبير وكانوا في البيت يعانوا من هذا الادمان....وقد وصل ادماني حد الجنون:62: :62:
فانا اعترف امامكم
......... انا مدمن حليب...
فكنت ما اقتنع في البيت بكوب واحد من الحليب اللي تعمله الوالده بشكل يومي....ووصل بي الادمان اني اكل الحليب البودرة بالملعقة واشرب الحليب حق الشاهي..واي حاجة فيها حليب اقضي عليها مباشرة
فاضطرت الوالده اني تخفي عني الحليب (نيدو).... لكن ما قدرت استحمل و ادماني خلاني ادور في كل مكان وافتش كل زوه من البيت لما لقيت المخبأ..........والادمان هذا قدرت من خلاله اكتشف كل المخابئ ........(.قلت لكم ان الادمان يسوي الهوايل)
دمتم بخير
Reply With Quote
Originally Posted by همسات المحبه
Bookmarks