يوم جيتــك يـا حيــاتي والله جيتك لجــل عيـنـك
ليه ماقطع هالمسافة و انت تسوى ألــــف عين
جيت أشوفك جيت أضمك تحتضن يدي يدينك
و أزرع الفرحة بقلبك لو حضنتك في اليديـن
جيت أقول لك انت روحي ياعسى الله لا يهينك
جيــت حــامل في يدينــي قلــب حبــك من سنين
جيــت و بذر الحــب فينـي طامعــة تزرع بطينك
جيت و عشقي فاق عشقي يانظر عيني اليمين
حين وطت أقدامي أرضك نبض قلبي دق وينك
و رمش عينــي ضـل يرجف بايشوفك بعد حين
و فجأة صدري دق بابه قلت سمي و في يمينك
ادخلــــــي الله يخـليك فــي حشــاه ثـم اسكنيــنْ
امكثي أعماق روحـــي روحــي تسأل دوم فينــك
و قلبــي لو حــس في مجيئـــك قــال يالله ادخليــنْ
و الخــدم مــن كــل جانــب تــنتظــر شــارة يدينــك
واحد يقول لك طال عمرك وآخر يقول لك تآمرين
بعــد هــذا الحــب كلــه صــرت خاتــم فـي يدينــك
لــك هـنيــاً مــن فــــؤادي أيـهـــا العشــقْ الثميــنْ
بقلمي الشاعر علي القاضي
Bookmarks