وهو السجين / محمد هزاع سعيد عبدالله الدهمشي العنزي
,
يالله يا الوالي على كل موجود
...................... ...... يا الواحد أشكي ضيقتي وأتكالي
يارب أنا من جملة الناس موعود
...................... ...... موعود في ( عفو ) وسيع المجالي
منك ياموجد كل ماكان مفقود
.................... ...... تبقى وهذا الكووون بأمرك يزالي
هذي ثلاث سنين مبلي ومقرود
...................... ...... والرابعة حانت وياعزي .. لحالي
في وسط سجن فيه الأقدام بقيود
....................... ...... بقيود والنجم أصبح لي صعيب المنالي
قضيتي قشرى وأنا أنسان محدود
....................... ...... وغديت ... في دنيا البقاء للريالي
مشيت فيها عازف لـ نغمة العود
.............................. وقامت تحاذف ها المصايب توالي
أستغفر المولى عن أيامي السود
.............................. وأطلبه رحمه في عيشتي وأرتحـالي
تكفووون يا اللي للمعالي لكم زود
....................... ...... تكفوووون يا الويـلاّن أنا ضاق بالي
وين عنزززة اللي تقود العرب قـود
....................... ...... ( عيال وايل ) من القديمة وتـالي
أبدي في ذكر الله ثم أذكر العوووود
........................ ...... عبدالعزيز اللي بنى الصرح عالي
وفصيل وخالد والفهد وأيضاً سعود
........................ ...... والليث ( أبو متعب ) عشق المعالي
وسلطان ( أبو خالد ) مواثيق وعهود
................................. يعطي ولا ياخذ من الناس مالي
والنائب الثاني على الجود بي يجـود
........................ ...... صقر يصيد الفطح ويعاف العضالي
نخيتكم ,, يا أسيـاد ,, ماعشتوا ,, سيـود
............................... روفوا بحال اللي من العقل خـالي
وانخى بعدكم لابتي في كل مجهود
....................... ...... عنووز من شرق وجنووب وشمااالي
( ولد العلي ) ربع بها الطيب مشهود
...................... ...... يشهد لهم من جاء برمي العقالي
وأنخى انا ( الفدعان ) ذباحة الذود
.............................. والدم من زود الكرم نهر سالي
وين ( الرولة ) شعلاّن في راس عنقود
............................. راعين عليـاء ,, سكنهـم في الجبالي
و(سبيع ) اللي لا أظلم الليل ببرود
..................... ...... عرفاء تشب النار في كل جالي
( منهابة ) ترفع عن أيـات ,, منقـود
..................... ...... معروف عنهم من سنين طوالي
( سليمان وأولاده ) كما عـود .. كمبـود
....................... ...... تشهد لهم كل العرب با التعالي
( والمحلف ) اللي بينهم صـار محسـود
....................... ...... ياسعد من هو صف صفر الدلالي
و(شراعبة ) قوم أذا أمسيت مظهود
....................... ...... تصبح على عز ومعـزه وفالي
وأخص من هو ( العمارات ) معدود
...................... ...... دهامشة وسلقا عمامي وخوالي
ربوعي محددة الجمل مرتقى سنود
...................... ...... يمكن غريبة الشيء ,, وهذا خيالي
( دهامشة ) يوم الفرح باب مردود
...................... ...... تكفون , ثم تكفون , تكفووون حـالي
ضاعت بها روح كما ملح بارود
.................... ...... ثارت ولاأدري وين أدور سؤالي
وجدي على ربعي ( السلاطين) أرقود
....................... ...... و(أخوان جحلة ) البكور العـوالي
وين المحاور المساعيد ,, وحمـود
........................ ...... شحوم وخضير,, عجمات وبقالي
( عياش ) مع ( جلعود) ومحينات وذيود
....................... ...... ( شلخان) و( جميشات) وجعبان وتالي
(زبينات ) و (وصليلات) ربعي بهم فووود
...................... ...... ياهني عيني وفرحهـا وهـملالي
ياعيال وايل عزوتي عشت منكـود
...................... ...... بسبة طريق عيشتي عيشة قرود
وين الشيـوووخ ؟؟ اللي تفـك الحبالي
.............................. وجدي على (الهذال) وجد العمى العود
شيخ المشايخ عزوتي وراس مالي
..................... ...... وجدي على ( الطيار ) جود على جود
أبو عـنزة يوم أنها بدون والي
....................... ...... وجدي على ( الأيداء ) شيوخ لها جنود
أخوان بقشة لا صلاء الوقت صالي
...................... ...... وجدي على ( الشعلان ) وقعقاع وأزود
و (أبن نصير) اللي في حلاله حلالي
.............................. وجدي على ( الملحم ) ولو يقطع حدود
و(أبن اليعيش ) اللي دعاء له دعاء لي
....................... ...... وجدي على ( بن مهيد ) يارب معبود
يرجع لنا في صوته صحيب الليالي
...................... ...... وجدي على ( المجلاد ) شجعان أعنود
تكفوووون وضعي مايبي له جدالي
...................... ...... وشيخي ( بن قنفذ ) له الصدر محشود
غالي ولو طيبه قصر ماعنا الي
..................... ...... وين أنت ( يالمرشد ) ذرى كل ملهود
وين أنت يانسل رفدة يالشمالي
.................. ...... وين ( الفقارى ) و (العواجي) أبو أسود
وين أنت يا ( بن غبين ) والشك زالي
....................... ...... وين أنت يا(قعيشيش) دربي به سيود
وين أنت يا ( بن هديب ) عقلي غدالي
...................... ...... وين أنت يا (ضبيان) سلالتك فهود
وينك يا أبن عيده خصيم الموالي
...................... ...... و(المعجل) وجندل بوارق مع رعود
وبن المجيد اللي برز كالهلالي
..................... ...... و(المرتعد) وكحيل وماكان مفقـود
أستسمحه وأطلب من الله مئالي
........................ ...... يفك عوقي وللصبر باب محمود
بوقفاتكم ياعزوتي يامسندي يارجالي
....................... ...... وين عنزة راسي من السيف ممدود
(( الفزعة )) و (( الفزعه )) تراني لحالي
......................... ...... وصلاة ربي كثر دمعن على خدود
دمع العجوز اللي شكت بعد غالي
......................... ...... أدعوا معي ياعنوز بركوع وسجود
أدعوا لأن (الله) يجيب السؤالي
......................... ...... أدعوا معي ياعنوز بركوع وسجود
[ سجن محافظة حفرالباطن ]
Bookmarks