اخترت لكم اجمل القصائد من وجهت نظري المتواضعه
اتمنى ان تنال اعجابكم
يقول الشاعر محمد بن فطيس المري :
البارحة ربي كتب لي ومريت ..
..دربٍ عليه بروق الأحباب لاحت
جيت المكان اللي جمعنا وخفيت ..
.. وقامت جروحي للجوارح وصاحت
ياليتني في لفة الدرب زليت ..
.. كان العيون من الدموع استباحت
التم غيم الدمع من يوم لفيت ..
.. وورقا القصيد لشوفة الغيم ناحت
وضحكت ماأبغي الناس تدري يبالفيت ..
.. لكنها غصبٍ على العين ساحت
حارت دموعي في عيوني وصديت ..
.. وأرمشت مابيها تبين .. وطاحت
وعقبه برق في العين براق .. واسقيت ..
.. خدي ووناتي بصدري تلاحت
وأنا أحسب إني في فراقه تشافيت ..
.. وان عبرتي من مدخل الزاد زاحت
اللي يحسب إني على البعد سجيت ..
.. والا ان عيوني للرقاد استباحت
ياليتني من قبل لا أحبه اقفيت ..
.. والا ان دروبي عن دروبه تناحت
أهون علي من البكا والتناهيت ..
.. وأشلا من سدودٍ على الناس باحت
عرفت كيف الحي يفرق عن الميت ..
.. وعرفت قيمة نعمتي يوم راحت
قولوله اني عقب بعده تدانيت ..
.. ورجلي عن دروب المعافين شاحت
البعد نار وطاعة العذل كبريت ..
.. يقصر على بعده .. ترى الكبد فاحت
ويقول ايضاً :
الله يجازي من يسوي سواتك
... وبذنوب من سوى سواتك يجازيك
مشيت درب الثقل وتحب ذاتك
...ماتدري انه للمهالك يوديك
غرك جمالك ياخساره حلاتك
....ماتدري ان ماغير طبعك يحليك
بتقول زينك يشفع لسيآتك
....الحسن ماهو عن وفا الحب يعفيك
لوالتواضع والوفا من سماتك
... بعت الحبايب كلهم دين واشريك
لكن عجزت اغيرك ياجراتك
....على الغياب اللي بلا عذر ينجيك
خطاي في توضيح وشي غلاتك
....وخطاك في توضيح وشو تغليك
وشلون توصيني وتنسا وصاتك
....وتصد عن صوتن تقطع يناديك
مافاتك التجريح والعذر فاتك
...وتبغي الراي الحين ماعاد يمديك
صحيح احبك بس هاذي جزاتك
....بعلمك درس يفيدك ويحييك
تدري وش ابيض من خفوقك عباتك
...وتدري وش اللي غرني نظرتي فيك
ادري بتستغرب تصبر وجاتك
... قصيدة من واحد كان يبغيك
وتبغي تناظر وانت عايش مماتك
... شف وحدتك والناس تجلس حواليك
وتبغي تشوف اشجع رجل في حياتك
... شفني وانا راحل على كثر ماغليك
واخيراً يقول :
كتبتها خاتم وفي خدها خال
وفي عينها غيم وعمارات وبيوت
الخال شفته واضح من ورى الشال
والخاتم الماس مرصع بياقوت
والعمر بالعشرين كاني ماني زال
والجسم كنه من جبل ثلج منحوت
جبل لكن لا طرقة الهوى مال
وخطواتها ماهي بالامتار بالهوت
ماهي تشوف الشمس في ظل وظلال
ومصيافها مابين لندن وبيروت
الشمس لو تشرق على جسمها سال
كنها مجسم محلبيه وبسكوت
من صغر مبسمها شف حالها حال
ما تاكل الا الوز والخوخ والتوت
ماهي تشوف الناس تمشي وتختال
ومره على جاغور ومره على حوت
وشغالتين وهي بلازوج وعيال
وسمعتها تنادي على الدريول بياقوت
وثلاث جوالات ماهي بجوال
ومن يوم خلقت كل شي بريموت
لكن قلبي مالها فيه مثقال
وش قرب البشت الحساوي من الكوت
يا جعلها للي خذت قلبي نعال
الي غلاها عندي الشرب والقوت
حوريةً من فوقها الليل شلال
كنها صباح وفوقه الليل مكتوت
قلبي لها من كثرة الشوق مشخال
و لسر عن كل الخاليق تابوت
تنحت لي من الحب بالقلب تمثال
وحبي لها ينحت على الساحة ابيات
في عينها ماكل رجال رجال
وقصى حدود الوصل في سلمها الصوت
زود على الحسن والعقل من آل
روس لهم روس على روسها بشوت
اذا رضت موتو ياهل روس الاموال
واذا زعلت جربت وش سكرة الموت
من دونها رجلي وراكب وخيال
والسيف والامواج والبحر والحوت
يتبع مع شاعر اخر وقصائد رائعه
Reply With Quote
Bookmarks