لا يـــخــدعـــ يا غناتي ــونـــك!!!...

[يمنية مفتخرة]

متى تذكرتك على شان بنساك
متى ترجيتك على شان تاتي
*
لاحبتك عيني ولا قلبي اغلاك
ولا مستواي ولاجهاتك جهاتي
*
ماجيت لك انت الذي جيت برضاك
ولاكنت والله راغبك ياغناتي
*
مديت لي كف الغلا قلت لي هاك
وكسرت خاطر كبريائي وذاتي
*
قلت العمر ياعيد فدوه لماطاك
وضحكتني يومك حلفت بغلاتي
*
سجلني اعظم من عرفته بدنياك
وبسجلك اتفه بشر في حياتي
*
بيتن عجبني واغتبسته وكفاك
واشوف فيني من حلاته حلاتي
*
شرواي تتعب ماتذله وشرواك
واطي والا يسوى مواطي حذاتي
*
لو جيت لي كلك من اولك لقصاك
حرام ماهزيت حتى عصاتي
*
عايش حياتي فيك والا بلياك
ولاهزني بعدك وزعزع ثباتي
*
اقسم قسم باللي رفعني ووطاك
انك حرام تكون من ذكرياتي
*
اسمع كلامي واحفظ العلم لاجاك
وصيتي وابغاك تحفظ وصاتي
*
لامن لقيت اللي يحبك ويهواك
لاتعامله مثلي يسوي سواتي
*
اكره وجودك كثر ماحب فرقاك
واكره صفاتك وانت تعشق صفاتي
*
ادور الزله والا قي خطاياك
وانت اتراجاني تدور رضاتي
*
انا بشر ستر عيوبك وغطاك
والا انت صفحه مظلمه في حياتي
*
اخذ الرسايل والصور مع هداياك
فرقاك كانت رغبتي وامنياتي
*
كلي ثقه واراهنك واتحداك
لانك تخاف من الفراق وتحاتي
*
لان الكرامه شي مفقود وياك
واكبر دليل اني اهدك وتاتي
*
شلون بجحد عشرتك واتناساك
وانا اساساً ماذكرك ياغناتي

ما راق لي و اتمنى أن يروق لكم..
توتو

[الأمـيـرة]

قصييييدة حلوووه ... تسلمين

[يمنية مفتخرة]

طلتك الأحللللللى .... تسلمين

[يمنية مفتخرة]

الله يسلمك ... ميرو

[فارس الصحرى]

القصيده قويه جدا بمعناها الواضح ولهجتها الصارمه وتعبيراتها المتبجحه ولتي تعبر عن نهاية قصه ماساويه في حب من ليس في مستوى حبك وطهارتك

شاكر لك روعة الانتقاء

كوني بخير

[يمنية مفتخرة]

شكرا لك أخي فارس الصحراء ...
تسلم ..منور..

دمت بسلامة..

[الفضولي]

الله الله
طرح مميز فعلا راق لي كثير
بارك الله فيك
وتقبلي مروري


واتمنا ان اراء ليس من ما راق لك
ان نرا ما يروق لنا من كلماتك انتي
هههههههههه

[يمنية مفتخرة]

ثانكس فضولي