السلام عليكم ورحمة الله
قصيدة أعجبتني كلماتها فراق لي نقلها لكم
قصيدة للشاعر / جمعة بن نايم
من شعراء الأمارات
قصيدة بعنوان / الهدايا
تعال خذ منّي هداياك
وباقي الصور وأغلى المكاتيب
ما عاد تنفعني بليّاك
وجودهن عندي تعذّيب
يكفيني أتسلّى بذكراك
دامك نويت تصد وتغيب
وأوعدك طول العمر مانساك
حتى ولو حطّمني الشيب
ما ينّكر طيبك وحسناك
وانا أجازي الطّيب بالطّيب
لولاك ما حبّيت لولاك
ولا عشت في دنيا المحابيب
شفت الهنا والطيّب ويّاك
بإحساس وأقوال وأساليب
الله يسمّح لك نواياك
ويحفظك من كل العذاريب
أوادعك وأتأمّل إرضاك
ماحد حبيبي يعلم الغيب
وإن متْ أذكرني بدعواك
وشوف الصور وأغلى المكاتيب
Bookmarks