*إذا سمعت صوت المزمار بداء يزمر والطبول تقرع وبداءت الليوه واجوا لك عيااااااااااال من داخل عدن الى اطرافها عشان يرقصو الليوه حتى وهم ما يعرفوش العريس (أنت في عــــدن)
* بنشرت سيارتك أو وقفت,وحصلت أطرف واحد يجي يدهف كبير وإلا صغير ويقولوا دهفه دهفه ( أنت في عدن )
* إذا في عرس وجهال(أطفال) الحافة كامل مبدلين ( أنت في عدن )
* إذا اعلنت سفرك وكل المعاريف والجيران جابولك سامان(أغراض) عشان توصله ( أنت في عدن )
* إدا احد أجى من سفر وحريم الحافة معلقات بالتوق(جمع طاقه-نافذة) يتفرجوا علو والرجال يسلموا علو (انت في عدن )
* إذا معك حمال ورفاع ولاوبناء وهبيت (أعطيت ) صوت لعيال الركن وأجوا يجروا يساعدونك ببلاش ( أنت في عدن )
*اذا شفت ناس حاملين معراج (سٌلم ) من صبح ربي ورايحين يقطعوا كهرباء على بيت من البيوت لانه ماسدد الفاتورة (انت في عدن)
* إذا في خبر ولا حشه ويكون الموضوع شمات ( مو حلو ) وإلا مصيبة وأنتشرت بخمس دقائق بأداه اسمه الحشوش هههه ( أنت في عدن )
* إذا معك زعقى ولا فوفل وإلا قارورة شراب ومن جزع من أصدقائك وقلك هبلي قليل ( أنت في عدن )
* لو اتكلمت بموضوع ورجعلك نفس الموضوع بعد يومين مع الحوايج والزيادات ومعصود عصد ( أنت في عدن )
* إذا واحد سولت له نفسو يآدي وحدة من بنات الحافة وإلا الحافة مسكوا سارق وشفت من يحب النبي يكبس ويدكم ( انت في عدن )
* عند طفاي الكهرباء تسمع الجهال يصيحو ا ولمن تلصي ( تسرج ) تسمعهم برضو يصيحوا ( أنت في عدن )
* إذا أقتلب السفاط ( المزاح ) مضرابة وتبعه صياح حريم وكل وحدة تبز شيدره ( عباية زي عدني) إلى بيت التانية والآباء مخزنين ويتفرجوا من بعيد ( أنت في عدن )
* إذا قرحت كبة وقمت توالم من عشرة عشرة هذا إذا مااتحمليش إللي زبطه ( أنت في عدن )
* إذا سمعت بيت يطبلوا وإلا فنانة تخوي ومن جزع يوقح وإلا يقطرف ( أنت في عدن )
* إذا أجوا ناااس يخطبوا بنت من الحافة سكيتي(سكته سكته) والخبر خرج إلى رابع حافة ( أنت في عدن )
* إذا رحت المول وشفت ناس يمشوا بشنابل ولا حافيين ولا بسين جرامات رياضه ولا حق النوم ويتفلوا سوكه ( أنت في عدن )
* إذا واحد سبك وسمعت واحد ماتعرفوش قلك سكتله ٌ!! قوم ألطمه هههههههه ( أنت في عدن )
* إذا جزعت وسمعت جهال يقولوا قرح ( بمعنى أعطيه بقوة ) كف وانا بفارع (أنت في عدن )
* إذا شفت حريم الحافه يتشوهوا ( يدردشوا ) من البلكونات ويتبادلوا العشار والشتني( السحاوق - مخلل ليمون) (أنت ي عدن )
* إذا قلت اشتي ( أريد ) سلف وكل واحد دخل يده بجيبه وماعاد خرجه <<افهمه ع نفسك ( أنت في عدن )
* إذا اجى رمضان وشفت حراق توائر ( أنت في عدن )
* إذا شفت مجموعتين يتصايحوا ويتشارطوا بينهم البين على البرشا والريال (أنت في عدن )
*(( الله عليك ياعدن ،،بجد عدن مافي أحسن منها ومن ناسها ))*
عـــدن غيـــــــــــــــــــر
منقول من صفحه همسه ملااك بالفيس
Bookmarks