بدع العبيدي:
عهد الشباب واحد ولابايختلف
ولا نصبنا المشترك عنا وكيل
مابانفض الإعتصام أو ننصرف
والنصر فالساحه لنا أكبر دليل
جواب عثرب:
موقف شباب الجامعه موقف شرف..يرحل علي بالجمل والا بالصميل.
والمشترك ماهمنا جاد اوعزف..
مادام معانا الواحد الفرد الجليل.
بدع عثرب:
والله مانهتز..ولويقفز علينا من قفز..وبالشهيد نعتز..يهون لاجل اليمن مليون شهيد.
ولو علي عزز.. بقواته وجيشه وارتكز..لابدمايعجز..ونكتب بالدماء تاريخ جديد.
جواب العبيدي:
حيابمن قد هز
إحساسي بزامل إرتجز
وإفتخر واعتز
بمن قدم في الثوره رصيد
شباب مايعجز
لعرش الطاغيه هزه ولز
بالسلمية أنجز
طموحاته إلى العهد الجديد
بدع العبيدي:
زيدوا من التصعيد
والعصيان هوالرأي السديد
به نكسب التأييد
ونتغلب على كل المحن
والزحف فيه تأكيد
يتزامن مع العيد المجيد
في مايوالتجديد
والعهد الجديد لك يايمن
جواب عثرب:
مرحب برجال جيد..لايخشى الزنازن والحديد..ولايخاف تهديد..لوجا الجيش لاوسط السكن.
تصعيد وراءتصعيد..ومن وده حوار يبقى بعيد..مانقبل التجميد..ولانرضى المهانه للوطن.
بدع عثرب:
والله مااتمترس ...ولااقتل أخ غالي في الحرس..حتى ولوكرس..جهوده لاجل تثبيت الطغاه.
خلوه يتحمس..وفي قتلي يطبق مادرس..لاحد يقله بس..عسى يعرف عدوه من أخاه.
جواب العبيدي:
حيابمن هوجس
وخلى هاجسي دق الجرس
وفكري اتحمس
أرد القول وامدح في ألأباه
الجيش إتأسس
حماه للشعب مش لاخرعبس
ذاك الذي أفلس
بأرض الجنتين ماعاد نباه
بدع العبيدي:
يوم الخميس نصطف
في الستين بعدالصف صف
في سلميه نزحف
تجوب العاصمه عدةألوف
نمشي ولانوقف
عسى نلقى من الريس نصف
أو لا فقد ودف
وباينزل من الكرسي دهوف
جواب عثرب:
حرام مانضعف..وطرد الطاغيه أكبر شرف..جو بس نتكاتف..
وهو بايفتشل لارا الصفوف.
حتى ولو نكف..علي صالح عيحنب فالطرف..
الشعب حين يلتف..
عيجوا يزقموه مثل الخروف.
Bookmarks