نصحية لكل فتاه ..

[القاتل الذهني]

السلام عليكم ورحمة الله وبركاته

أنا اعرض هالموضوع بالأدب لأني مؤدب وما ألف وأدور مثل البعض

أنا مستعد أرد على كل مواضيعها .. واعلق تعليقات فكاهية وظريفة لأعلى حد .. واكتب لها قصايد وخواطر ... واجننها بالغزل ..

وكمان يميزني عن أي عضو .. إني اقدر أثبت كل مواضيعها .. وشغلات ثانيه إداريه ما تتخيلوها .. هذه صفاتي الي تعرفوها ..

خلوني أتحدث عن الي ما تعرفونه طالما الكلام ببلاش وسيم .. اخجل من نظر الناس إلي .......مبسوط .. رايق على حبل الوقت ... أنا رجل وأنا اشهد والكل يشهد لي

رومانسي وحساس ...و مغرم .... لي نصف الليل أناجي فيه محبوبتي .. ولأهل الأرض النصف

لي نصف كلام الهوى انثره عند رجول محبوبتي و لأهل الأرض النصف الأخر

أنا أتنهد مره .. وكل العشاق في الكون مره
أنا وموج البحر . أخوان .. وانا وغروب الشمس ... عشرة سنين
أنا يوم غدر محبوبتي أسكنت الحزن عيني

هاه .. مين توافق بعد كل هذا تعطيني إيميلها وتضيفني على الماسنجر .... أبي وحدة عقل وثقل تقول أنا


لو الشغله بالكلام .. انصح كل بنت تروح تحب غازي القصيبي .....أو .ا عبدالرحمن بن مساعد .. هذول رجال وشعراء كبار

أخواتي .. خلونا نتكلم بصراحة
أنا ما أعرفكم .. ولا تعرفوني .. وما بيني وبينكم غير سطور وحروف يأتي بها الله يوم القيامة .. يعني بنثر لكم قلبي ..
وأعطيكم خبرة سنيني القليلة وسنين غيري

خذوا كلامي وقلبوه ... عجبتكم بضاعتي .. خير وبركه .. ما عجبتكم .. ارموها .. واخرجوا من الحين ..

قولوا فلسفة .. يمكن تقولوها الحين .. بس بكرة حتكون عندكم نفس الفلسفة ..بعد ما بعضكم .. يكتوي بنار .. يحس بحسرة تخنق قلبه .. لكن يشتكي لمين


أعجب لفتاة .. تقدم قلبها لشخص لمجرد ان كلامه رائع ورومانسي ونكتي و يموت ضحك ..
بس .. هل هذه كل المواصفات الي تبغينها .. تقولي أبغى رجال .. شهم .. شديد البأس .. نشمي .. مستقبله طيب . حنون .. مثقف
كل البنات يبون هذا الشخص .. ..طيب ليه مجرد أن شخص ادعى على الماسنجر ولاالمنتدى انه يملك كل هالصفات نصدقه .. أو تصدقيه ..
لمجرد أن صورته الرمزية رائعة واسمه صدى الهمس .. ولا عبير الشوق .. ويتابع مواضيعك

اعز ما عندك سمعتك وقلبك وأحلام حب ... ادري إنها صافيه وورديه وخايفة عليها .. ليه ترميها بسهوله .. ليه .. والله قلبك يستاهل تبحثي عن الأفضل

اعلم ان الزمن تغير .. وأصبح الإحساس بالأنوثة يأتي في مرحلة مبكرة .. ومع كل وسائل الإعلام أصبحت الفتاة إلا من رحم ربي ...تتمنى الوقوع في الحب

الحب نوعين ..
نوع كالسكر .. لذيذ الطعم ولكن أضراره كثيرة
نوع كالعسل .. لذيذ الطعم لاترتوي منه الفتاة .. ليس له ضرر .. فيه شفاء


أختاهـ :
حتى لو وجدت حبا حقيقيا في الماسنجر .. أي حياة ستكون بينكما
وأي شك .. تقدرين تقولين .. والله ما كلمت أحد قبلك .. ولو قلتيها .. تضحكي على نفسك لو ظنيت إنه رايح يصدقك


( تخيروا لنطفكم ) .. كلمة كبيرة ورائعة تشمل كل شي .. وانا اقول لك تخيري لنفسك ولقلبك ولإحلامك .. الحياة ما هي لحظات على الماسنجر .. ماهي كلمات حب وخلاص .. دوامة كبيرة ..

تحتاجين الى رجل بمعنى الكلمة .. احلامك كل يوم تتغير .. اليوم تفكري بنفسك بكرة في أهلك بعده في زوجك وبعده في أطفالك .. حياة طويلة عريضة .. ليه تهدميها بكلمة حب سواء كانت صافيه او غير صافية .. طالما انها اتت في الظلام فلا خير فيها

اعطي قلبك وروعتك وأنوثتك لمن يستحق .. لمن يأتي من بابكم .. لمن لا يخجل أن يقول امام أبيك وأهلك وكل الناس .. انا أحب هذه الفتاة .. اعشقها .... واريدها على سنة الله ورسوله...

كوني العالية .. بنت الأحرار.. كلك شموخ وعزة .. لا تكوني طير سهل صيده
كوني رقيقة وعذبة من الداخل ولكن كالصخر من الخارج

هذا درب السعادة قدمته لك .. وأنتي حره .. بس فكري شويه ..
والله كل أحلامك وقلبك يستاهل كثير من التفكير

سامحوني على قسوتي . فالحياة اقسى مما تتخيلوا خاصة حينما تتحطم القلوب


هذا ولكم كل الود والأحترام ......

نصيحة منقوله

[رعد عدن]

هذا من وجه نظرك انت بس
قديم الموضوع

[عـ الاحـزان ـازف]

يا عيني يا عيني جعلي طعنة بموزي خااايس

[ميغ 29]

الله يهديك عصدت بقعا عصيد
ما درينا وش تبا.
يعني تبا تنصح ولا نبا تتزوج من صدق؟؟!!
لو تبا تتزوج شع الخطابات ملان البلد منهن.

[الأمـيـرة]

الله يعطيك العافية ..انا مع كل ذي قلته ..
هذا الموضوع بس للي يقدره.. الله يبارك فيك اخي..

[Ğ η o o и]

كـــلام رآئع بَ حق

الله يعطيك العافيهةة اخخخوي
جججعل الله كل حححرف انكتب هنا
في ميزان حسناتك