تدرين من قبل أعرفك ../ أعشقـك وأحتريـك
وكنت أتسائـل عـن أيامـي .. بعـد جيّتـك
وجيتي .. وكل المشاعر جتك ../ تشره عليـك
فـي صمتهـا ../ خايفـه تجـرح شفافيّتـك
كنا بغيابـك .. بـدون شعـور نوصـل إليـك
والأسئلـه شمسهـا .. تطغـى علـى فيّتـك
شسمك؟ .. من أية بلد؟ .. قبيلتك؟ .. والديك؟
عمرك؟ .. وشكلك؟ .. ظروفك؟ أيه وش مُيّتك؟
كنت أجهلك .. وأرسم أحلى الوصف في وجنتيك
وجيتـي حقيقـه جميلـه فـي رومنسيّـتـك
جيتي .. خلوقه / كريمـه / والثقـه تكتسيـك
بأسلـوب راقـي .. أطـاره ملـح عفويّتـك
مـن يـوم أول لقـا .. ودي أقـرّب يـديـك
وأقـول لـك : دوك قلبـي تحـت ملكيّـتـك
مـو بـس قلبـي لحالـه ../ كلنـا نهتويـك
أنـا وعينـي وصــدر ٍ صــار محميّـتـك
لكن خايـف يجينـي منـك .. عـذر ٍ ركيـك
وتسايريـن الخـواطـر .. مــن محنيّـتـك
وأخاف غيري .. سبقني لك وصـرت الشريـك
في وقتهـا .. بأرتحـل .. /وأعطيـك حريّتـك
وأفقـدك .. وأخـر سنينـي تنحـرم تهتنيـك
وأعزف على أوتار صدري .. حـزن بأغنيّتـك
دامك بجنبي ../ أنـا مابـي الأمانـي هذ يـك
نسيـت كـل السنيـن اللـي قـبـل جيّـتـك
خليني أبقى معك .. صامـت ومجنـون فيـك
Reply With Quote
Bookmarks