ياصاحبي والعذر ماهـوب يخفـاك
مات الرجا بك يـوم عـز اللقابـك
الى متى وانـا ارتجـى واتحـراك
واسرج ركابي وانت تمهل ركابـك
أملت في وصلك وشوفك ولامـاك
ومات الامل عندي وباح العزا بـك
لاقلت يالغالي متـى يـوم لقيـاك
عزفت فاوتـار الظـروف بعتابـك
ذبحتنى وانا على مكسـب رضـاك
اجاملك وارضيك وانقـل صوابـك
ارضيك لو تزعـل هـذولا وذولاك
لو من صميم الروح تدمى حرابـك
واقول جعل ظروف الايـام تفـداك
واقول تسلم لـي ويسلـم جنابـك
واليـوم لا والله مــاوالله ادراك
بأقسي عشان تشوف كيف القسا بك
شف التغلـي والغـلا ويـن وداك
عن قلبى المخلص لحبك ..غدابـك
معاد انا شفـق ٍ لذكـرك وذكـراك
ولابوه .. هاجوسي اذا يوم ..جابك
مليت مـن حبـك ومليـت دنيـاك
وتعبت ادارى ود حضـرة جنابـك
ابعد وخذ تكفـي غـلاك وهدايـاك
ومعها (روشته ) من بقايا حسابك
اجمع ليالي وصلنا مـن عرفنـاك
واطرح من الناتج ليالـي غيابـك
واضرب على صدك وبعدك وفرقاك
واقسم على قربك وطردي سرابـك
تلقي النتيجـه كلهـا لا عدمنـاك
ماغير أعاني من عنـاك وعذابـك
من ما تصفحته وراق لي
Reply With Quote
Bookmarks