قصص طريفه في الغزل..

[ملك الظلام]

قصص طريفه في الغزل..
قصص طريفه في الغزل..
بسم الله

المهم ... قبل تقرون شعارنا الزعل مرفوع والرضى مرقوع خخخخخخ يعني ترى مهما كان بينا وتعليقات لكن والله الحب بالقلب ولا احد يزعل والي يزعل ترى اقرب زاويه بالمنتدى يجربها خخخخ لا امزح يبشر برضاه بس يتاكد ان الدعوه مزح وكلها كتابه ولا يشيل بخاطره شيء (( اتفقنا ))




مهما اتفقنا لا تزعلون


شنا قايلين لاتزعلون













المشهد الأول




الولد برفسور خعخع ويدلعونه مذوبهم

البنت السمرة ويدلعونها أيضا سموري .. واذا راحوا

لخوالهم بجده يسمونها سمو



يدق جوال السمرة وتنقز تشوف الرقم .. مكتوب ماي لووف كالينق يو .. وتتشقق من فرط الوناسة .. وتروح تشرب مويه .. عشان تضبط صوتها .. وربع ساعة تتنحنح لين بغى يطلع مصيرها الثالثطعش .. ((يشبه الإثنى عشر)) .. عقب ماخلصت من سمكرة الصوت .. الا الجوال خلص من الدق.. وتضطر تروح تدق ..



السمرة: الوووووووووووووووه



برفسور خعخع: اهلين .. يا أحلى الووه (كان مواعدها بشارع الحوامل وماجاب خبرها ودقت عليه)



السمرة: حياتي وينك .. بسم الله عليك .. وراك ماجيت



برفسور خعخع: الا جيت .. انا اللي معه فياقرا



السمرة: ماشفت فياقرات



برفسور خعخع: ايه موزيها بعيد .. أخاف عليها (جاي بكرسيدا حقت واحد من العيال بعد)



جا برفسور خعخع .. وشاف السمرة .. وطلعت بنت حلوة .. وطاحت بذا الخربطه .. مع واحد الضمير عنده مستتر مرفوع بالنصبه الظاهره



مما سبق نستنتج أن:



ملكع + دلخه = ضياع مستقبل الدلخه









المشهد الثاني




الولد اسمه أهداب الليل ويدلعونه هدهد

البنت اسمها صوت المطر ويدلعونها صوصو



كان هدوبي .. ولد ناس ومطخطخ .. يتمتع بغباء قاتل .. حبيب ووسيم .. على نياته .. باختصار دلخ ووسيم .. ومعه فلوس



صوت .. بنت ذهينه .. لعابه .. تحب الإستعراض



كان هدوبي يتمشي هو وامه بالسوق ومر من عند صوت وصديقاتها .. قالت صوت: تتحدوني اليوم اخلي هالحلو يكلمني واسحبه على وجهه بعد؟؟ .. وفعلا السيد هدوبي ماهي الا سبع ثواني الا هو رايح وطي .. بعد ما مارست عليه صوت اسلوب التخقيق وهو له علاقة طردية .. حسب مبدأ سقراط (بدا النصب) .. وبعد ما انتهى فاصل الترزز .. جت اول مكالمه



صوت : اهلين .. ياحلو .. كيفك عيوني انته (انته ذي خلت هدوبي .. يصير كنه قرانديزر يوم يتصفق من فيقا فيقا)



هدوبي: هاه .. ايه تمام .. اهم شي اني اسمع صوتك .. واقلبيه منيب مصدق اني اكلمك (كان قاعد جنب المكيف .. ومجهز ورقه فيها حكى كثير .. والهوا طير الورقه وتوهق)

صوت: ليه ياقلبي وحبيبي (يوم قالت حبيبي بدا يكبر خشمه واصيب بانقطاع الرباط الصليبي بكوعه)

هدوبي: احبك .. يا احلى شي

صوت: (وهي تنتظر الغرنوق خخخخ يدق على الهاتف الثابت) هاهاهاااااااي .. يعني لو أطلب منك أي شي تسويه؟؟

هدوبي: لو تبين اعطيك ابوي .. عادي

صوت: لا ابيك تسدد فاتورة جوالي .. وبس



وهنا دق الغرنوق خخخخ .. على خويته صوت .. وهدوبي .. من الصباحية وهو طاق اللطمه وصاف طابور بالبنك .. يبي يسدد الفاتورة .. وانواع السعابيل من كثر التفكير بصوت



مما سبق نستنتج أن:



دلخ + نصابه = حالة تطفير تصيب الدلخ









المشهد الثالث



الولد اسمه المهتوي

والبنت اسمها وجدالكويت



تعرفوا على بعض بالأنترنت .. ويدق عليها من التلفون الثابت



المهتوي : مساء الخير .. يا أحلى طير .. واغلى مها شفتها .. وحبي الأول والأخير..



وجد : هاهاااااااااي منتب عاهااااااي! انا كنت امشي مادريت الا نواف التمياط جنبي .. يبيني آخذ رقمه .. رفضت بالأول بس خفت انه يتأثر نفسيا ولا يلعب زين بمباراة الكاس (مصطفى ادريس سبق وشرى ببسي من البقالة اللي بحارتهم)



المهتوي : يالله عيوني .. أنا بروح الحين عندي موعد الوليد بن طلال يبي سلف (مافيه راعي بقالة الا ويطلبه خمسميه)



وجد : وأنا بعد بروح اشوف الخدم والطباخ وش مسوين عشا (أم جيرانهم زارتهم احد المرات ومعها شغالتها واعتبر ذاك اليوم من الأيام التاريخيه)



مما سبق نستنتج أن:



نصاب + نصابه = صواريخ جو ارض ليس لها نظير









المشهد الرابع



الولد اسمه المسترخي ويدلعونه الرخو

والبنت اسمها الهنوف ويدلعونها هنو



المسترخي .. صاحب الإبتسامة التي لاتمت للجمال بصلة .. ينتظر اتصال صديقته الهنوف .. وهم متواعدين انها تدق على الجوال .. فهو من الذهانه .. كان حاط الجوال على الصامت



والآنسة الهنوف قاعد ترسله مسجات بالجوال تبي تقوله ادق وأسكر والا ادق وترد علي؟



وفي خضم هذه الحالة من الأستدلاخ الجماعي بين الأثنين .. أخيرا قدروا يكلمون بعض .. وفي ذلك اليوم واحد من اللي يشتغلون بالأتصالات اغمي عليه من كثر ما اتصل عليه المسترخي..



المهم خلال المكالمه الاولى اتفقوا على انهم يشوفون بعض .. واخيرا شافت الهنوف المسترخي .. وحصل اللقاء العاطفي المفعم بكل ماتحمله كلمات الإشتياق من معنى



وكان جمس الهيئه قاعد يناظرهم .. متكي على الكبوت .. يمتع ناظريه بهالمشهد .. وانتهى المسترخي وخشته لاصقه بقزازة الجمس من ورا .. والهنوف بغرفة الهيئه الفرع النسائي..



مما سبق نستنتج أن:



دلخ + دلخه = جمس الهيئه

[رهوان]

[أبو أصيل]

يعطيك العافيه على المشاركه الحلوه