وضاعت علومي يااإنجي من الـ bb ~

[حنــــان]

ندش بالموضوع على طووول ..

هذا ياطويلين العمر .. حبيبتي آنجلينا .. طلعت البلاك بيري والله العظيم عشآني (; فديتها والله أحب هالانسانه ربي يوفقك يارب

المهم فرحت ومآآصدقت .. وقلت يااااالله بروح أرز لها البن كووود بتاعي .. برسالة خاصة

وقالتلي ان الخدمة لسى مافعلتها .. وأنا قلت ما يهمك باانتظرج ..

أصبح الصبح .. وأقوم مجهزة حالي بروح دوام التدريب ..

وأمسك جهازي ألقى إضافه ..

اووووه .. أكيييد إنجي .. ماانتبهت حتى على التوبيك أو الاسم الظاهر منو ..؟؟

وقبلت الاضافه ..
وهللت وكبرت وياحيا الله وسهلا ..

ومنورة اللسته عندي

إلا هي تقولي وتنطق بكلمه قلت يمكن متآثرة بالكلام الياباني .. ياربي ويش ذا

sapa y

قلت يمكن قصدها صبايا .. << تحب تخرف وتجمع الكلمات عشان توصل لنتيجه ..(:

سألتها أنجي صح .. ماترد !!!

أشوف بروفايلها .. كلام غريب ومو إنجليش ..

رحت أتكلم معها انجليش .. هاي وهاو آر يو .. ومن هالكلام ..

شوي تتكلم معاي عربي مكسر :@

تحزرون طلعت مين ..

ومن فين ..

واشلون جابت هالبن كوود بتاعي ..

وشو سويت فيها ..

برررب

فاصل ونواصل

"صدق الدنيا صدف ومواقف تضحك"

[نشوان بن سعيد الحميري]

قولي الصدق واعترفي .. من أضفتي ؟؟ اكيد مش انا

[الصـامد]

الشجن يقتل العجاوز

الله يستر علينا لا نعجز بس

[حنــــان]

قولي الصدق واعترفي .. من أضفتي ؟؟ اكيد مش انا

يجيك الخبر .. لا تستعجل على رزقك ياابني

[حنــــان]

الشجن يقتل العجاوز

الله يستر علينا لا نعجز بس

بس الصراحه طقطقت على راسها يومين وحذفتها

[الصـامد]

اهاااااااااااااا

دليت

او شفت دليت

في فرق وفرق كبير

[عـ الاحـزان ـازف]

ههههههههههههههههههههههه
خلاص كمل الفاصل
وين الباقي موقف حلو
ودي اعرف نهايتة الان
لاكن وين انجي

[AnGelina]

فدييييتش حنااان...
وربي مش عارفه ايش اكتب ...فيني اكثر من شعور ..

اولهم ضحك مش طبيعي وربي مش طبيعي ...الله يخليييش بس
ثانيهم ...شعور بالفخر ان عندي اخت مثلش..والله يوفقش دنيا واخره ...
ثالثهم .. شعور بالفضوول..ابي اعرف من راعيه الكلام الخرابيش ...من ذا الي انتحل شخصيتي
<< او اقول انتي مفهيه وضفتي شخص ماتعرفيه ...
واخرهم..اذا طلعت بنت معاناا هناا ..رسليها لي هههه...~


وبنتظاار نهايه الفاااصل ذااا ...

حياتي والله ..~

[حنــــان]

أنجلينا جايه خبرتها تدخل للموضوع على الــ BB .. لاني ماقلت لها على اللي صار

نكمل الباقي

المهم يوم إني لقيتها تتكلم مكسر .. شكيت وقلت لها انتي من وين بالانجليش طبعا ..

وتجيك الصاعقه الكبرى

إنها من أندونيسياااااااااا العظيمة

وشكلها الأخت تاخذ كلامي الانجليش المكسر كمان وتترجمه وهي بعد تاخذ هرجها الأندونيسي وتترجمه للعربي الله لايوريكم ..

فقالت انا لا أتحدث الأنودنيسية والإنجليزيه والألمانيه << أشك أن نشوان رسلها لي دام تعرف ألماني

هنا بديت أطقطق على راسها ..

قلت لها happy new year ..

استغربت وقالت now!!!!!!!!!! .. وأنا في عز نشوتي اتريق عليها اقولها yes of course

وأرسلها تاريخنا الهجري ..

قلت لها ..Why are you surprised!! Are you a Muslimah..!!

ردت وقالت :
nasrani

استغربت ماافي حد يقول نصراني الكل والاغلب يقولون مسيحيه ..

وعلى طول قالت بتروح تنام ..>> عذر لانها عرفت اني مسلمة

وأنا عناداً فيها أرسل لها برود كاست بالعربي

قلت أتحداها تفهمه :d:d:d

وعلى هالحال يومين وبعدها قلت هذي اليومين حق الضيافة
وانتهى بالــ " ديليت "

بعدين أكتشفت انو ممكن أي شخص يخمن البن كوود ويضيف
وكان حظي بالاضافه هالاندونيسية

مع العلم أن الاغلبيه اللسته عندهم لا تقل عن 33

أما عن لستتي فهي محدودة جداً

سلامي إنجي love:

ولها الموقف العجيب

[AnGelina]

يووؤ طلعت اندونيسيه ونصرانيه بعد .....

ياشيخه ف الـ bb ألفي لش كم حررف على كم رقم ويطلع لش بن كود حد
ولو كان ف النص الاخر من الكره الارضيه هــــ()ــع...

بس حكايتش حكايه والله..يلاا انتبهي تضيفي مره ثانيه ...

وعلى فكره انا الي مضافين عندي مايتعدووا ال15 ...وكفايه بعد << ازعاج

تحياااتي لش يا اندونيسيييه ...

[حنــــان]

ههههههه .. ع بالي أنتي
لانها كاتبها توبيكها بالانجليش وفيها حركات وأشياء مزخرفة ..
يعني صادف هالموقف يوم ارسلت لك البن كود .. سبحان الله ..
لا خلا ولاعدم منك إنجي ..
<< إنتي بعد أقل من 15 وكل اللي عندي بنات الجامعه ^^

يسعدلي مرورك وتعليقك الناايس ..

[ســـالي]

وربي الجهاز هذا اكرهها من الاعماق .....لو حد قالي خذية بالمجان مابشيله

وربي كله سبب للربشة والازعاج حتي في المحاضرات تت تت تت ولمن تجي تكلمي الوحدة مخها مش شغال معها شغال بس مع البيبي
حتى لمن تدخل الحمام وتمشي عينها بالبيبي ....

حتى اسمه غبي بيبي ههههههههههه