العقل بيت شيوخ والحـلم جاسوس
للنفس يقطع من تـركهـا ثـواني
خذني وطلعني ولـو الهوا كـوس
ابـااتنفس شـيء..صافي وهـاني
داخـل تصادم فكر ومزاحم نـفوس
على فـتافـيت الـغوى والـغواني
في هاللوبي كل شي ضايع ومعكوس
ماكـنّ فـي هـالكون رب وامـاني
اثاثه الـغامـق وتصفيفه الكـوس
تـدل عــلى ذوق راقـي ودانـي
شفهم وشف كيف الفشل يجعل الروس
اشـيا....كـمالـيه مـ بـين الاذاني
وشف كيف هذا ثمل ويعـتثر ويدوس
عـلـى مـسمـى جـده الأولانــي
وشف كيف هالـشايب برغبته محبوس
تـحـت شـعـار ان اخـر العمر فاني
احس عنده عيله......وبـنـت عروس
تـخجـل مـن ابـوها كثير وتـعانـي
وشـف الاثنين هـناك ؟ ترهم ((ج..))
رجـال بـس رجـال مـن نـوع ثاني
ضـحـايا نـفـط وقل طاعه وناموس
والام كـانت طـيـش والاب انـانـي
وشـف هالجمال اللي مدثـر ومحيوس
مـثـل الكــلام اللـي بليا معـانـي
فـتاة تعـرض جسمها الغـض بفلوس
ويبيعهـا فـي اليـوم عـشريـن زانـي
كل الـزوايا طـافحه قـبح ونـجـوس
تـسبـح وفـالركن الاخـيـر الـمواني
واحـد يغـني وعـنده حـثالة جـلوس
كــأن مـافي هـالحيـاة الا اغـانـي
يـاوخـز قـلبي وخـزة الجرح بالموس
ياعـالـم(ن) مـا فيه حـلم وتـفـانـي
في هاللوبـي مـا فـيه ريـس ومريوس
الـكـل بـايـع نـفـس والـكـل جاني
والـكـل عـنده عـذر واهي ومـدروس
لو قـلـت لـيه انـت كـذا ؟ قـال اعاني
انـا اللـي اعـاني مـن الـقوس للقوس
هذا مـهـب جـوي ولاهـو بـمكـانـي
بـركض وابي اركـض مـعي الف فانوس
اللـي صـباحـات الـغلا والـتـهانـي
روح مـعـي والـواقـع احـيان كابوس
وانـا مـاحـط اللـوم عـلـى زمـانـي
احـمـد ربـي كـل مـا دق نـاقـوس
واعـرف حدودي واستحي من كـيـاني
وأصمت ليا جـا للحكي روس وعـسوس
واضحـك ولـو وجـهي من البكي حاني
لـو كـل شـي محسوس ياخوك ملموس
شـلـيـت آخـر جـرح بين المـحـاني
Bookmarks