..×( كـبـســآت ،، بنت يــآفــع ** بين ايــديـكــم )×..

[بنت يــآفــع]

الـــسلآم عــيـلــكــم ورحـمــه اله وبــركــآتــه

طـبـعًـا كـلـكـم عـارفـيـن الـكـبـسـه
وانـهـا اشـهــر طـبـخـه علـى مـسـتــوى شـبــه الـجــزيــره
^_^

بـس الأغـلـبـيه مـفـتـكــريــن ان الــكـبـسـه نــوع اونــوعـيـن بـس
هــذه مـعـلــومـه غـلـط


انـا عـنــدي اكـثــر مـن عـشــره انــوآع لـلـكـبـسـه وكــل صـنـف يـتـمـيـز عـن غـيـره
فـي مـنـهـا الـي تـعـلـمـتـهـا وفـي منـهـا الـي اخـتــرعـتـهـا :$



للـي حـابـيـن يـتـعـلـمــوا طـبـخ الـكـبـسـه
ومـعــرفـه انــواعـهـا
خـلـيـكـم متـابـعـيـن بنت يافـع هـنـا
وتـشـوفون افـضـل واجـود والـذ الـكـبـسـات



واقـولـكـم مـقـدمًـا بـالـهـنـاء والـشـفـاء

[رعد عدن]

نزلي نزلي قد معدتي فاضية
ورينا

[AnGelina]

waiting my dear...

=)...~

[عـ الاحـزان ـازف]

هاااتي نشوف كيف كبساتك
منتضرينك .........

[بنت يــآفــع]

بسم الله الــرحمــن الــرحيــم

اول كبــســه

كبسه الدجــاج باللبــن



1- دجاجه كامله (طازجه)
2- علبه لبن المراعي
3- بطاط + بصل+راس ثوم+بهارات هنديه

4- خمسه اكواب رز بسمتي
5- عود قرفه + هيل حبوب



اولاً

نشوح البصل زي الي بالصوره


لين يصير لونها احمر ونطلعها من الزيت ونحطها على جنب
ثانيًا
نقطع الدجاجه اربع قطع ونحطها بالقدر
ونحط فوقها البطاط والبصل المشوح
واللبن
والبهارات والملح والثوم وكاس مويا
ونخليه على نار متوسطه لمده ربع ساعه
ونبخر الكبسه
(التبخير)
[نجيب قشره بصل ونحط عليها شوي زيت ونحط جمره فحم صغيره بالزيت
ونخليها فوق الدجاج ونغطي القدر بورق قصدير لمده خمس دقايق ]

ْالرز ْ
في طريقتين للرز
الطريقه الاولى:
نحط المويا بالقدر وفيها القرفه والهيل ولما يفور تحط عليه الرز
لين يستوي نص خمده نحطه بالمصفى بعديننضيفه على الكبسه ونرشه بشوي زيت من حق البصل وقليل صفار زعفران

الطريقه الثانيه:
نقطع البصل ونقلبه على شوي زيت مع القرفه والهيل وورق الغار
ونحط الرز ونقلبه شويه مع البصل بعدين نضيف المويا لين يستوي نص خمده نضيفه على الكبسه ونحط له صفار الزعفران

وكل الطريقتان حللوه (;

ونخليه على نار هادئه لين يستوي الرز
و

[ظل انسان]

هههههههه المقدمه حلوه

النوع الاول رهيب تسلمي اخت بنت يافع يعطيك العافيه

[بدوي اليماني]

صعب . . .

من وين اجيب لبن المراعي

هاتي لنا طرية اسهل . . : )


شكراً

[بنت يــآفــع]

عــدنـــا



ثاني كبسه

كبسه الدجاج بالصلصه






1- دجاجه كامله (طازجه)
2- بطاط + بص+ راس ثوم مفروم + بهارات هنديه+ صلصه+طماطه+ بسباس احمر او فلفل حبشي+مرقه ماجي
3- خمسه اكواب رز + ورق غار+ قرفه + هيل + صفار الزعفران
4- قرمين بسباس اخصر وشويه كزبره


اول شي نشوح البطاط والبصل بالزيت (البطاط قطع كبار)

نقطع الدجاجه اربع قطع (من دون جلد طبعًا)
نجيب قدر تيفال نخليه يسخن شوي ونحط الدجاج ونغطي عليها (من دون اي زيت)
نخليها شوي ونقلبها (لمده ربع ساعه)

وبالخلاط

نحط الصلصه والطماطه والبسباس وشويه ملح
ونخلطهم مع بعض

نحط البطاط والبصل فوق الدجاج
والثوم والبهارات ومرقه ماجي وبالاخير نحط الصلصه الي بالخلاط

بعدين نجهز الرز
نحط المويا بالقدر وفيها القرفه والهيل ولما يفور تحط عليه الرز
لين يستوي نص خمده نحطه بالمصفى بعدين نضيفه على الكبسه ونرشه بشوي زيت من حق البصل وقليل صفار زعفران


و

[رعد عدن]

فين الصوور؟؟؟؟

[عـ الاحـزان ـازف]

الكبسة الاولة فيها لبن ومو حلو اللبن يعني يصلح بغير لبن احسن
اما الكبسة الثانية شكلها روعة بس ورينا الصور
عشان نطبق ونشوف
مشكورة وننتضر المزيد من الكبسات

[بنت يــآفــع]

هههههههه المقدمه حلوه

النوع الاول رهيب تسلمي اخت بنت يافع يعطيك العافيه

الله يعافيك يارب
ويسلموو^^

صعب . . .

من وين اجيب لبن المراعي

هاتي لنا طرية اسهل . . : )

شكراً

وضاح من قبل مايقرا يقول صعب
اممم حليب مراعي او اي حقين
الكميه الي بتعملها ماتتعدى الكاس بس ^^
وبنجيب لك حاجه اسهل
ابشر^^

فين الصوور؟؟؟؟

مابش صور
لانه شكلهم عادي ومايختلف الشكل من كبسه للثانيه الا شي بسيط
الفرق بالطعم ^_*

الكبسة الاولة فيها لبن ومو حلو اللبن يعني يصلح بغير لبن احسن
اما الكبسة الثانية شكلها روعة بس ورينا الصور
عشان نطبق ونشوف
مشكورة وننتضر المزيد من الكبسات

امم اللبن مابينطعم زي الزربيان تطعم الزبادي الي فيه؟
هو يكون نكهه على الدجاج بس ^^
مابش صور قلنا

[بنت يــآفــع]

السلااااام عليكم

عــدنــا

الكبسه الثالثه
هي الكبسه العاديه المتعارف عليها بكل مكان
بس بجيبها لكم بطريقتين
الاولى

دجاجه_
بصل+ بطاطس+ صلصه+ بسباس احمر + بهارات مشكله(ملح-كاري-كمون-هيل-قرفه-فلفل-موتو)+ بسباس اخضر(واحد بس)+ ليمونه+ ثوم مفروم+ شويه زيت..
رز بسمتي + صفار زعفران


اولا نجيب القدر الي بنطبخ فيه ونقطع البطاط والبصل شرايح ونقلبهم مع الزيت
لين يستوي لون البصل ذهبي نحط الصلصه والبسباس الاحمر والبهارات والثوم
والليمونه ونضيف لهم شويه مويا وعلى نار هادئه ونخليه شويه لغايه مايستوي البطاطس
وبهذا الوقت نخلي الرز ينسلق نص خمده
وبعدها نضيف الرز فوق الكبسه ونحط عليه صفار الزعفران
ويبقى لمده خمس دقايق على نار هاااادئه
::::::::
اما الدجاجه نقطعها اربع قطع ونحط عليها شويه ملح وبهارات ونحطها على صحن معدني فيه شويه زيت
وندخلها الفرن على نار هادئه جدًا وبعد نصف ساعه نقلبها وتبقى نصف ساعه ثانيه
لين يستوي لونها احمر نطلعها

:::::::::::::::::::::

والطريقه الثانيه
انه بدل ما نحط صلصه الطماطم والبسباس الاحمر
نحط صفار زعفران + كركم+طماطه مفرومه+كبزره
ويكون لون الكبسه اصفر بدل الاحمر
و