ترجم شعورك
ثمن فؤادي واشتره بالخساره
بعض الخسائر نعتبرها فوايد
قالو المحبه كالتجاره شطاره
إلا أنا ما ريد منها عوايد
شرطي عليك تحفظ لقلبي اعتباره
صدق الموده تعتبر سعر واجد
حطم عرين الصمت واقلع جداره
ترجم شعورك رغم كيد الحواسد
نفذ لقلبك رغبته واختياره
لا تصغي اسماعك لقول الكوايد
يا جنة القلب المعذب وناره
اجعل حياتي يا حبيبي موالد
بعمل لقلبي عرس بأول اشاره
وعرس ثاني حين يوفئ المواعد
و أكبر الاعراس وقت الزياره
يا راس مالي يا ثمين الفوايد
ابو عامر
Bookmarks