العضو الأكثر نشاطاً هذا اليوم 
--------------------------------------------------------------------------------
الجمعيات النسائية وكل ما يخص المرأة ناقم الايام دى على الحزب الوطنى والاحزاب السياسية والسبب
(( أنهم لم يهتموا بترشيح المرأة فى مجلس الشعب ))
ولكن بعد مابحثت وأتقصت عن السبب الاصلى وجدت ان المرأة لا تصلح أصلاً كنائبة فى البرلمان والاسباب واضحة وصريحة واهمها :
1- أن المجلس مافيهوش حمام حريمى !!!
2- أن المراة تمتلك حقاً طبيعياً فى (( التصويت )) فى الجنازات والخناقات يبقى تسيب الراجل (( يصوت )) على القوانين والقرارات (( مش كدة ولا إية )) ؟؟؟
3- لو حد من النواب من الجنس (( الخشن )) شخط فى واحدة من نواب الجنس (( الناعم )) هتملأ الدنيا عياط و نواح !!
4- لو ميعاد الرضاعة بتاعة الواد جت والواد نزل عياط ساعتها حتعمل إية ؟؟؟ ياترى حتفضل التشريع على الطفل الرضيع ولا سن القوانين على الاطفال المساكين ؟؟؟؟ (( سؤال عويص صح )) !!!!
5- منظرنا العام قدام العالم الخارجى ... لما رئيس المجلس الموقر (( اللى هو سيد قراراه )) يقعد كل شوية يقول اتفضلى يا (( أم محمد )) أقعدى يا (( أم سيد )) ما انتوا عارفين فى مصر ماحدش بيناديهم بأساميهم (( عيب )) !!
6- سيادة النائبة اللى جوزها هايرجع من شغلة ومايلاقيش الهانم محضراله (( الغدا )) هيكون منظرها إية وهو جاى يأخدها من شعرها من وسط الجلسة ؟؟؟؟؟؟؟
7 - لو قدمت طلب ولا استجواب ولا حاجة ماتمتش ... هتفكر تعمل (( دقة زار )) علشان العقدة (( تتفك )) وللآسف زى ما كلكم عارفين أن المجلس مافيهوش مكان (( لفريق الزار )) !!!!
وأعتقد ان دى أهم الاسباب اللى توصلتلها بخصوص هذا الموضوع
وياريت اللى عندة اسباب تانية يقولها وله الاجر والثواب عند الله
رد مع اقتباس
المفضلات