الهاشمي قال حن القلب حن ..
وأنا حنيني مع قلبي حنين ..
صادفت قمري على وادي تبن
أصبح يحرش من يساري واليمين ..
يرطن علي وأنا أدري مارطن
كلام حالي تكلم كلمتين
والله ما افارقه طول الزمن
ماينتسي طول عمري والسنين
نسيت فرضي من جماله والسنن
منه يشيب الطفل ذي عاده جنين
نسع جعيده على (امتانه تين)
واربع نقط في خدوده والجبين
اوجان بيضاء مثل ماشقف اللبن
والصدر بستان والقامه حسين
وبعد كلمته بكلمه واحتسن
وقال رحلك على الله المعين
انت لك الله وانا قلي لمن
خوفتني والناس منك خايفين
ومن دخل في هواكم امتحن
اصبح معذب بلادينا ودين
من فقدكم حاير وكم فيني شجن
منين تظهر لمعروفك منين
منو منكم بيداوي القلب من
اصل الدوا ماهو من البنسلين
والمرض من خدوده والوجن
هذي نصيحه من العاشقين
منقول
Bookmarks