تخيل!!!!!؟؟؟؟

**بحور** · 29-04-2003, 12:11 PM

تخيل

لوتفارقنا .. وعشنا في هوانا اغراب
تخيل

لو تناسيتك .. وقلبك صار ناسيني
تخيل

لو تباعدنا .. وكل شوق جمعنا ذاب
تخيل

ويش يصير الحال مابينك .. ومابيني
تخيل

لوخلا هالكون .. ولا يسكن ثراه احباب
تخيل

لوتجي صدفه .. عيونك يوم في عيني
حبيبي

للوصل سبه .. وللفرقى .. كثير اسباب
وانا

صابر على ظلمك.. وجرحك صار .. مشقيني
تخيل

لوجرحتك يوم .. وجرحك بالهوى.. ما طاب
تخيل

لو تدورني.. تبيني.. ماتلا قيني
تبي .. تبكي

تبي.. تشكي

تبيني .. والأمل بغياب

صرخت بصوتك العالي

من الضيقة .. تناديني

.

.. تخيل ..

**ريم الخليج** · 30-04-2003, 02:03 PM

اقول حبيبتي بحور

هذا منتدى للشكاوي والاقتراحات مو للابداعات الادبية

والله قفطة عودة

**رهوان** · 01-05-2003, 02:18 AM

لو تدورني.. تبيني.. ماتلا قيني
تبي .. تبكي

تبي.. تشكي

تبيني .. والأمل بغياب

صرخت بصوتك العالي

من الضيقة .. تناديني

.

.. تخيل ..

_____

كلمات رقيقه ورااائعه اخت بحور

وسلمت اناملك على ما اتحفتنا به

ولك منا خالص الامتنان

وتم النقل من قبل رهوان

====================================

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

من رهوان اجمل تحيه نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

**بحور** · 03-05-2003, 09:50 AM

هلا بحبيبتي ريم الخليج
بس حبيت انوه بشغله
على الاقل انا اعرف عن شو انا كاتبه واختار القسم اللي يناسبه مب مثل بعض الناس لعبت في المنتدى ودخلت المواضيع في بعضها
وبعدين انت شو عرفج بالادب والابداعات الادبيه والشعر وغيره
انت خليج اشتكي وضاربي في خلق الله

وعلى العموم مشكووووووووورة

ومشكور اخوي رهوان
وتسلم على ردك الطيب
وسلمتم جميع

**ريم الخليج** · 03-05-2003, 02:28 PM

زين والله نقلوا موضوعج من منتدى الشكاوي لمنتدى الابداع الادبي

بسيطة بسيطة ... مالومج بحور وانهار ... تراج اول مرة ادشين منتديات شراتي

بس ناس عن ناس تفرق ... انا اعرف وين احط مواضيعي مو مضيعة

عالعموم انا يالسة اتغشمر وياج

واخاف الجماعة يحسبونا نضارب

يا حيابش بلهجتش :D :D :D

**بحور** · 03-05-2003, 05:07 PM

بلهجتي انا ها؟؟
ماادري منو اللي معلمني؟؟
لا ياجماعه لاتفهمونا غلط نحن مانتضارب مجرد اختلاف وجهات النظر
وبعدين ريم الخليج اكثر من اخت عزيزة على قلبي
بس انت لو سمحتي لاتصدقين عمرج بس جي الا رمسه
وبعدين انا اكثر من منتدى اشتركت فيه ارمسي عن عمرج

وسلملم