والله يا بنات انا لي تقريبا تلات اسابيع معديه بمرحله صعبه جدا بسبب مشكله مالهاش لا ساس ولا راس..
حاولت ادور حل لمشكلتي المعفنه بس انا حنونه مره و اعطف على الناس بسرعه و اسامح من غير ما احصل اعتذار...
المهم خلوني اقص حكايتي....انا لي صديقه حميمه اسمها زمرد تعرفت عليها عن طريق اختها...انا و ياها صديقات لنا سبع سنين...فا كبرنا مع بعض و شفنا كل حاجه سوا...المهم
زمرد اكبر من اختها....اختها انخطبت على واحد كويتي غني...و زمرد خطبها ابن جدتها ...عراقي عايش في صنعاء...لاهو غني ولا فقير...يعني مستور الحال..
من اول الصيف وانا و زمرد طلعات ولا نجلس فالبيت يوم واحد حتى...من الساعه احداعشر الصبح لحد الساعه عشر الليل..
نطلع نتمشى...نتسوق...نروح كافيهات نتكلم...نروح السينما...نروح المسابح و الملاهي و و و و ...الخ.
المهم في يوم اضطريت اطلع مع امي البنك عشان موضوع لأبويا...و لما رجعنا شفت زمرد و صاحبتنا التانيه داليا بالطريق..و احنا الاربع...انا و امي و داليا و زمرد ظحك بالطريق و المهم اتسلينا...فا بعدها خليت ماما تروح لحالها و انا روحت لبيت زمرد...
هداك اليوم..اخت زمرد كان كعاها project للكليه لأنها واخده مواضيع بالصيف...المهم قالت لزمرد تسويلها الproject زمرد قالت اوكي.....انا و داليا ساعدنا زمرد بالproject و بعدين دخلت الاخت زي الاميره تسأل ان كننا كملنا ولا لسى....انا سألتها ايش اللي كانت تسويه هي...قالت ولا شي...فا انا قلتلها تساعدنا عشان نخلص بسرعه لأننا انا و البنات حابيين نطلع الcoffee shop عشان نشتري لبن و نجلس شوي...المهم هي ردة عليا قالت "لا انا لي من اول الاسبوع تعبانه و انا ادرس ولازم ارتاح" و انا مارديت عليها....
و انا لأني هداك اليوم كان فيني صداع و دوخه كنت اشتغل و انا ممدده على السرير تبع زمرد...بعد تقريبا ساعتين كملنا الproject..... و نحن نتجهز...جدة زمرد, اللي كانت مديرة مدرسه فالعراق, صاحت وقالت ايش هدا...بكيتي اختك...شغلك مش حلو تقول و انو شغل اطفال اعمارهم خمس سنين...المهم....زمرد و اختها هم بالاصل دائما بمشاكل لأن خطيب اختها غني و خطيبها هي ميسور الحال و الاخت دائما تكسر بمجاديف زمرد.....المهم زمرد فقدة اعصابها لان اختها قطعة الشغل اللي سويناه لها...و اضطرينا نطلع من البيت و نجلس برى فالحديقه على الحشيش....انا وداليا كننا سوا و زمرد تبكي و هي تتكلم مع خطيبها بالتلفون....طيب انا امي اتصلت و قلتلها باللي حصل و اني مابقدرش اروح اللا لمى تكون اعصاب زمرد هادئه...امي قالت اوكي...و الوقت مر و نحن التلات نتحاضن و نبكي سوا و نحاول نهدء الجو...و انا وصلت البيت الساعه 11:30 بالليل...
اليوم اللي بعدو....زمرد اتصلت فيني و انا نايمه لسى و قالتلي انها لازم تروح عند المحامي عشان اوراق المعامله لخطيبها عشان تجيبو بأسرع وقت ممكن...رحنا سوا...و لما رجعنا هي ماكانش لها نفس تروح و انا كنت تعبانه فاجت عندي البيت...و هي فالبيت اتصلت جدتها عليا و سألتني فين ماما...انا قلتلها انها مش موجوده انما ممكن تترك عندي خبر و انا باكلم امي لما ترجع....و دي بدأت تصيح عليا....قالتلي انتي امس كنتي فالبيت و ما احترمتيني...كنتي ممدده على سرير بنتي "اللي هي ام صاحبتي زمرد" و ماحترمتي البيت....ايش بنتي تجي بيتك و تنام فوق سرير امك؟؟؟ و انا اتسمرت....حسيت الدنا تدور فيا..و نفسي طلعت للسما و نزلت مليون مره...صراحه اعتجمت لأن دي اول مره يحصلي شي زي كدا...
بعد المكالمه صار عندي انهيار....بكيييييييييييييييت بكى عمري ما بكيتو من قبل....حسيت انها اهانتني و خدشتني لدرجه ماتتوقعش....زمرد قالتلي ان كل دا من تحت راس اختها لأن اختها تغار منها لأنها عندها صديقات و هي لأ...ولا حد يجي البيت عشانها هي...و قررت تسيب البيت و تسافر....اتصلت بشركات الطيران و حجزت و انا ابكي و احاول اقنعها تتصرف بعقل لما هدئنا...فا رجعنا طلعنا للcoffee shop اللي متعودين عليه كل يوم..و لما رجعنا ,رجعنا بيتي...و في الساعه تمان المغرب..اتصلت اختها و قالتلها فينك وحشتينا ايش اليوم كلو غايبه عننا!!!! انا انصدمت لأن المشكله جت كلها تحت راسي انا لأني اقرب الناس لزمرد....بس صراحه طاحو كلهم من عيني...
المهم...انا و زمرد كننا لسى اصدقاء...بس ماصرناش نطلع زي اول....المهم يوم انا عزمتها نروح سوا لنفس الcoffee shop لأنها وحشتني كتير...لما روحنا...كانت الدنيا ضلام..الساعه كانت حوالي تسع و نص...المهم ماكانش في حد فالبيت فاماحبتش تجلس لوحدها فالبيت فا سألتني لو ممكن ادخل عنها و انا قلت لأ بسبب اللي طلع من جدتها... انما ممكن اجلس برى معاها لحد مايجو اهلها...
جلست معاها لحد الساعه عشر...و بعدين انا عايشه شوي بعيده عنها فا لازم حد يجي ياخدني....المهم وصلو و قالولها ماهماش مروحيين لسى...لازم يروحو مكان....البنت اللي هي مفروض تكون صاحبتي واللي بقيت معاها عشانها تخاف تكون فالبيت لوحدها سألتني لو كان اوكي تروح...و انا اكيد مابقولش لأ لأن سؤالها مش في محلو...لو كانت بنت خلوقه كانت قالتلهم ينتضرو لحد مايجي واحد من اخواني يأخدني عشان اروح...انا ماسبتهاش تجلس فالبيت لوحدها...وهو مكان امان...لكن هي سابتني اجلس فالشارع لوحدي..و هو مكان مش امان...و هم اللي من غير ذوق ولا اخلاق حتى ما سألونيش لو ممكن يروحوني البيت " مع اني من المستحيل اقبل عشان كرامتي" فا سابتني صاحبتي و انا اتصلت بواحد من اخواني يجي يأخدني من المكان اللي كنت فيه...كانت الساعه عشر و ربع لما وصللي اخويا...
اسفه ان كانت الحكايه طويله بس انا محتاجه نصائح منكم يا بنات...لو سمحتو ساعدوني..
تسلمو
Bookmarks