الله يجازي من يسوي سواتك .. محمد ين فطيس ..

[سفير المحبة]

الله يجـازي مـن يـسـوي سـواتـك

وبذنوب مـن سـوى سواتـك يجازيـك

مشيـت درب الثقـل وتـحـب ذاتــك

مـاتـدري إنــه للمهـالـك يـوديـك

وغـرك جمالـك واخسـارة حـلاتـك

ماتـدري إن ماغيـر طبعـك يحلـيـك

بتـقـول زيـنـك يشـفـع لسيئـاتـك

الحسن ماهو عـن وفـا الحـب يعفيـك

لـو التواضـع والوفـا مـن سمـاتـك

بعـت الحبايـب كلهـم ديـن وأشريـك

لكـن عجـزت اغـيـرك ياجرائـتـك

علـى الغيـاب اللـي بلاعـذر ينجيـك

خطاي في توضيح ويـش هـي غلاتـك

وخطاك في توضيح ويش هـي تغليـك

وشلـون توصينـي وتنسـى وصـاتـك

وتصـد عـن صوتا"تقـطـع ينـاديـك

مافـادك التجريـح والـعـذر فـاتـك

وتبـي رضـى الحيـن معـاد يمديـك

صحيـح أحبـك بـس هـذي جزاتـك

بعلـمـك درسا"يفـيـدك ويحـيـيـك

تدري ويش أبيض من خفوقك؟!( عباتك.)

وتدري ويش اللي غرني نظرتـي فيـك

أدري وتستغـرب تصـبـر وجـاتـك

قصيـدة" مـن واحـد كــان يبغـيـك

وتبغي تناظـر وأنـت عايـش مماتـك

شوف وحدتك والناس تجلـس حواليـك

وتبغى تشوف اشجع رجل فـي حياتـك

شوفني وانا مقفـي علـى كثـر مغليـك

الشاعر / محمد بن فطيس المري .. منقولـــــ ..

[ابونواف الوصابي]

اختيار رائع


اروع تحيه لك اخوي