إهداء خاص
قبل اسياد الدوحة 2006 كنا في دورات طويله . و لانهم يشغلون البروجكتر . و احنا في الطابق الخامس قاموا باغلاق جميع النوافذ بمواد تمنع الضوء .. فكانت الصاله و كأنه الليل الدامس .
و جلسنا تقريباً ثلاث ساعات كلام و مشاهدة و خرائط ... الخ .. فجاء وقت صلاة العصر . وصلينا متأخرين شوية .. الصالة ممتلئة تقريباً 50-60 مسلم غير الاجانب الذين خرجوا و الذين يشربون شاي .
تواجهت الى الصلاة . بينما انا امر من مكان الامام . دفعني احد الاشخاص قالي [ انت الامام ] . سويت نفسي ما سمعت و رجعت بين صفوف المصليين . ما ادري ايش اعجبهم فيني . اللي يحلف و اللي يقولي كلام و يشجعني . مع اني مستحي اول مره يكونوا خلفي ناس كثير .
المهم انا دخلت نسيت انه العصر . افتكرته المغرب .. مع الظلمة و طول الوقت ..... الخ .
اقاموا الصلاه و اخوكم : بداء يقراء الفاتحه جهراً .. و اسمع ثلاثين واحد [ سبحان الله ] قلت
ايش السالفه معقوله غلطت في الفاتحه !!!!
رجعت من جديد .. و نفس الشي سبحان الله سبحان الله ...
رجعت قريت من جديد .. نفس السالفة ... قرأت تقريباً المره الخامسة و مارضيت اوقف
قلت [ عليا و على اعدائي ] :d خلصت الحمدلله ما سمعت آآميييييييين ... هنا عرفت انها صلاة
العصر و ليس المغرب .. و اصبت بحرج كبير .
بعد الصلاه اعتذرت من الجميع و قلت لهم الحق على اللي طول المحاضرات و صكر النوافذ
الجميل .. ان بعض الاخوه كانوا يظنوا مثلما اظن و لكن بعد [ سبحان الله عرفوا ] و انا استمريت
الى ان تحققت بشكل كامل و وافي عما كان يجري في الخلف
جل من لا يسهو سبحانه و تعالى
سلامي للجميع
Bookmarks