السلام عليكم ورحمة الله وبركاته
اود ان اخبركم بمشكلتي التي تضايقني انا امراءه مطلقه ولدي بنت في عمر الزهور وملتزمه بديني ولا اريد شي من هاذي الدنيا غير ستر الحال والسمعه الطيبه مااطول عليكم انا مرتبطه كثير بصديقاتي وعندي صديقه متعلقه فيني وانا كذلك لنا اكثر من 11 سنه ونحن اكثر من اخوات وصديقات وفي مجال عمل واحد وانا بالنسبه لها كتاب مفتوح وهي كذلك ولكن هي تغار علي ولاتريد ان اكون علاقات عميقه مع غيرها وجلست معاها طول هاذي الفتره علاقتي قويه معاها وهي اللي تزورني واكلمها ع الهاتف كثير وعلاقاتها مع اهلي قويه حتى بنتي مره متعلقه فيها المهم صارت معانا موظفه علاقتي فيها من 5 سنوات بس الحين وهالسنتين بزياده بشكل عميق تجيني وتكلمني وفاتحه لي قلبها ومره علي وانا بعد حبيت اخلاقها وحبيت علاقتي فيها لانها جدا محترمه وتفكيرها نفس تفكيري في بعض الامور تقريبا المهم ان صديقتي غارت منها وارفضت علاقتنا وراحت كلمتها بس هاذي اللي توني اعرفها ماتقبلت بحكم المنطق والعقل انه يرفض حب التملك بين الصديقات وعجبني منطقها وحاولت تفهمها اكثر من مره بس صديقتي ماتبي تفهم هالشي تقول هاذي مشاعري وغصب عني المهم كل مالها السالفه وتكبر ويوضح التعب علي لان هاذي من صوب وصديقتي من صوب وانا مابي اخسر لا هاذي ولا صديقتي لاني ابيهم ثنتينهم هو فعلا اني اعز صديقتي اكثر بس بعد هاذي اعزها ولا ودي اخسرها وطبعا انا مره متضايقه من هالموضوع وماودي بهاالأمر بس غصب عني احاول اخاطب عقلها بس بدون جدوى وانا ماالومها لاني اول صداقتي فيها كنت انا اللي اقول لها مانبي احد يتقرب منا بزياده بس سبحان الله تعرفت على هاذي وارتحت لها كثير وهي بعد مره متعلقه فيني وتحس اني مرأتها لدرجة تحلف لي انها من عرفتني اني أثرت فيها كثير من الناحيه الدينيه لاني انا حريصه على ديني كثير ومعلمة دين واحل مشاكل الناس الا ان هاذي المشكله اللي ماعرفت احلها اللي يمكن في نظركم بسيطه بس والله ثم والله اني تعبانه كثير من هالسالفه وماودي اظلم صديقتي الثانيه عشان غيرة صاحبتي افيدوني شسوي
Bookmarks