جلست في احد الايام علي شاطئ تعز الحالمه والبحر قدامي من تحت الجبل اللي انا جالس فيه ورافع رجلي عشان ما تتبلل
والمنظر كان ساحر صراحه كانت الموج تضرب هذيك اليوم بقوه يعني تخلي الالهام يخرج منك بالقوه
وانا في هذا المنظر البديع كنت افكر كل الناس اللي ما اعرفهمش اسمع عليهم انهم تزوجوا
يعني امس القريب واحد زوج خمسه من عياله دفعه واحده
جلست افكر
خمسه من العيال يزوجهم مره واحده وانا لحالي نفر واحد ما قدرت اتزوج ولو نص حرمه ( يعني حتي من مستشفي الامراض النفسيه لايروح عقلكم بعيد )
قلت ليش ما احسبها واعمل حساب واعمل برنامج تقشفي حتي استطيع اني اجمع 100الف ريال حق العزومه والقات وبعدين بجمع حق المهر
حسبت حساب وتعالوا احسبوا معي
عمري 18 سنه
طيب المبلغ اللي اشتي اجمعه 200الف ريال يمني
قلت لو كل شهر 5000 خمسه الف ريال يمني اتقشف واكون جلده او حضرمي مثل ما يقولون
بيصير لازم اجمع المبلغ بعد اربعين شهر
جمعت المبلغ وعدت الاربعين الشهر اجيت تشتي تتزوج لقيت ان المهر زاد 100الف ريال تشتيلها 20 شهر ثانيين ويالله تتقشف وتعدي عشرين شهر مثل المي وانت متقشف وجلده
ياسلام تجي لعمك يقول زوجنا البنت نجيب لك اختها اللي اصغر منها زيد عليها 100الف ريال
يعني لو تجلس تجمع طول حياتك ما بتتزوج
تعالو معي نحسب حسبه ثانيه صاحبنا اللي زوج 5 من عياله
مصاريف العرس كلف العرس مع الذبيح والقات غير المهر والشرط 6مليون ريال
حاجه من 2 يا سارق
يا كان يجمع المهر عشان يزوج عياله وعمره 50سنه قبل ما يولد
ايش رايكم انا غلطان والا صح
فهمتوا حاجه
Bookmarks