لاول مرة اعرض لكم اخواتي ملف كامل بالاكلات اليمنيه

[عدنيه وافتخر]

هذه الاكله للأخت رحا
بطاطا حمر

المقادير

بطاط مقطع مكعبات



تمر هندي احنا نسمية حمر



بصل مقطع




صلصة طماطم





فلفل عدني ((فلفل حبشي ))




الطريقة

نسلق البطاطا



ونغسل التمر الهندي ونحطة يرطب بين ماء حار



بعدين نشيل البذر اللي فية ونشخلة باللمشخلة ونخليى الماء بس








نغلي الفلفل العدني (الفلفل الحبشي)لين يرطب





ونعصرة بالخلاط




نحمر البصل بالزيت



ونخلية لين يحمر ونحط علية صلصة الطماطم




والحمر (ماء التمر الهندي)



و نحركة ونخلية لين تسمر الصلصة شوي


بعدين نحط علية الفلفل العدني او زي بعض الناس يسمونة فلفل حبشى
مع شوي بهارات اللي هوة فلفل اسود وكمون مع شوي ملح




ونخلطة ونخلية شوي عالنار وبعدين نخلطة مع البطاطا المسلوقة طبعا البطاطا مسلوقة مع ملح لذلك مانكثر الملح في الصلصة





ونهرس البطاطا نص هرس واحنا نخلطها مع الصلصة




وهذي ضورة وهو جاهز
بالعافية

[عدنيه وافتخر]

العصيد باللبن
طريقة الاخت رحا

المقادير

دقيق الذرة ا و بر بلدي

ذرة ملح

ماء

الطريقة

نجيب طاسه غريقة شوي
ونصب فيها كاس ونص ماء ونحط في الماء الملح ونحطة عالنار





نخلية عالنار لين تبداء تغلي الماء

ونسكب دقيق الذرة شوي شوي واحنا نحرك باللمحواش اللي حطت صورت اختي ام حمزه في طريقة عمل الهريش *
لين يبدا يتماسك معاي الدقيق ويصير معاي عصيدة لينة





شوفوا كيف صارت العجينة متماسكة







مقادير اللبن

زبادي وتقدري تستخدمي الحقين




فص ثوم بسباس اخضر ((فلفل اخضر))كبزرة ونعنة خضراء طماطم






نخلطهم بالخلاط ونظيفهم للزبادي ونخلطة وهذي صورة اللبن

عفوا الصور مش واضحة تمام تصوير موبايل




ملاحظة

العصيد يتاكل كمان باللمرق او الزحاوق مع الليمون وفي ناس تحبة مع حليب وسمنة

[عدنيه وافتخر]

طريقة الهلوة
.. بسم الله الرحمن الرحيم

# ربع كيلو من السوجي (( اسمه في المحلات
العربية سميد .. ويوجد منه نوعان نوع ناعـم
ونوع خشن وهو المطلوب لعمل الهلوة
# كمية السكر حسب رغبتك مش أقل من كوبين
# صباغ الرز ( عقدة صفراء يباع في المحلات
الهندية والعربية
# نص كميه السميد زيت
# هيل مدقوق
# زبيب ولوز ..
الطريقة :
- يخلط الماء والسكر والعقدة الصفراء ( صباغ الرز)
والهيل مع بعض حتى يذوب السكر
- في دست عميق ( حلة ) أعمل الزيت حتى يسخن
أسكب السوجي ( السميد) وأفضل أقلب السوجي حتى
يتغير لونه ويصبح مائل للبياض قليلا مع التقليب
المستمر حتى يقرب يحرق في قاع الدست المهم التقليب المستمر
مثل العصيدة ..
- يقلب خليط السكر وصباغ الرز حتى لا يبقى السكر في
قاع الوعاء ويسكب دفعة واحدة على السوجي
ويضاف الزبيب بعد نقعه بالماء الدافئ واللوز المقشر
وابقي قلبي الهلوة الى أن ينشف الماء قلبلا .. هدئ النار
تحته واستمري في التقليب الى أن ينشف الماء
وتؤكل حاره او بارده
وممكن أيضآ تبقى في الثلاجة فترة أسبوع ..
أو على نار هادئة وتأكل بالهناء والشفاء
[/quote]

[الإكـلـيـل]

هلا بك اختنا العدنية..

والله موضوع هام جداً.. اتمنى ان الاخوات يفمينه مش بس يأنترين وخلين الاهل جواعين..


ومانش داري انتي عدنية أم "شيبانية"..


اتمنى يكون الدرس القادم شفوت..

تقبلي مروري وسلامي

[عـ الاحـزان ـازف]

بصرااااااااحة وصفااات حلوة يا عدنية
يا ريت يتعلمين منك البنات الي عندنا ما يعرفين ايش معنى طبخ البعض
يا عيني تسلمي اختي الكريمة يعطيك العافية على الموضوع الجميل شكرا
ارق تحية

[Hanaa]

مشكوووووورة أختي عدنية وافتخر ..
شكلك تحبي المطبخ كثير
الهلوة عرفتها البسبوسة ..

نوورتي المنتدى وومنتظرين جديدك ..


دمتي بخير ..][~

[ســـالي]

اهلا بالعدنية ...

جيتي وربي جابك ..من زمان وانا ادور وصفة البطاط الحمر ..انا اسويه بس حمر وصلصةوبطاط بدون بسباس وانا اقول ليش مايطلعش حلو زي حق عدن اتريهم يحطوا بسباس ..

كل ماأروح عدن يقرحوا معدتي ..من كثر ماناكله احنا والبنات ......بس طعمه رهيب والله ....

شكرا على الوصفات ^_^

[ReDaN]

اتمنى يكون الدرس القادم شفوت..

قدك في صنعاء كل شي فيها أحنا اللي بعيد مانشوف لا شفوت ولا هفلوت


تحياتي ياراعي الشفوت

[ReDaN]

اهلا بالعدنية ...

جيتي وربي جابك ..من زمان وانا ادور وصفة البطاط الحمر ..انا اسويه بس حمر وصلصةوبطاط بدون بسباس وانا اقول ليش مايطلعش حلو زي حق عدن اتريهم يحطوا بسباس ..

كل ماأروح عدن يقرحوا معدتي ..من كثر ماناكله احنا والبنات ......بس طعمه رهيب والله ....

شكرا على الوصفات ^_^

خلاص دامك تعرفين تسوينه الأسبوع الجاي عشانا عندكم نبغى هذي اللي مدري شسمه اللي تعرفين تسوينه
أعملوا حسابي وحساب 9 مرافقين

[عدنيه وافتخر]

اشكركم اخواني واخواتي عندي اشياء كثير بالطبخ وطبعا اني احب الطبخ كثير وخاصه الحلويات وانشاء الله ابشر اخوي الحين بعرض الشفوت لك

[دمعة حب]

الله عليكي يالعدنية والله شهيتينا على الاكل يلة حروح اطبقها واقولك النتيجة سلامي لاهل عدن وخاصة المعلا الجدعان وحبيبي "اقصد البحرlove: "

[ملاك الدنيا]

امممممممممم

اموت في شي اسمه حمر

يعطيج الف عافية على الوصفة

وبانتظار جديدك