لا أدري ماأسمي هذه الأطروحه..
لا أستطيع تسميتها بالقصيده لأنها ليست كذالك لا وليست بخاطره ولكنها نستطيع إعتبارها نثريه...
أول مره أطرح في هذا القسم شيئاً ليس من كتابة يدي ...
هو لإحدى بنات صديقات والدتي...
ليست صديقة لي ولكنها سمعت وكما يدور الحديث عن إنشغالي بالمنتدى وعن القصه التي كتبتها وفزت بها في المسابقه والدتي تفخر بذلك كثيراً بين صديقاتها....
المهم تمنت علي هذه الفتاه ان أطلعكم على ماكتبته يداها في تجربه نستطيع نعتها بالبريئه فهي صغيره بالسن كثيراً وقليلة تجربه والموضوع الذي تطرحه قضيه مهمه ولكنها صيغت في قالب جميل....
إليكم ماكتبته...
مات أبوها وعذبوها...
______________
بنت تحلم بالسعاده لين صار الحلم عاده
أحلم إني أكون زوجه ياأصحاب السياده
للحبيب اللي رسمته في خيالي
شخص ماهو شخص عادي
شخص مايمكن أشوفه الا في غرفة رقادي
أحكيله وأشكيله اللي يجري وماجرالي
وأصرخ بكل مافيني أحبك ياحلالي
وللأسف ماسمعني.. ماسمع صرخة لساني..
رغم قربه من مكاني..
عنّه الواقع منعني وإختفى يوم نادت أمــي..
وأنهض وكتابي بين يدي
واليوم يروح وبكره يجي
كل مارحت المدرسه ولا جيت
أتخيله واقف عن أي باب وأي بيت
أتشوّف بالشوارع
وأتفحّص كل شارع
ياعسى عيوني تشوفه الحبيب اللي فـ خيالي
وفي ليله من ذات الليالي..
قالت أمي لي تعالي..
قلت خير قالت تعالي خير ياوجه الخير
قرر أخوك زواجك.. وش رأيك صارحيني؟؟
وإن فرحتي فرّحيني..
قلت هذا هو الخير..
وقتها ودي أطير من السعاده طير..
قلت جالي .. جالي الحبيب اللي فـ خيالي..
.
.
.
آآه ليته مالفاني
عود شايب كبر أبوي..
كيف ياأمي ؟؟ كيف ياأختي ؟؟ كيف ياخوي؟؟
كانوا أكثر وأنا وحده ..
والنتيجه بنت وحده ..
وعذبوني وزوجوني وعشت غربه..
وهذا اللي صار..
مات أبوها وعذبوها..
_______________________
أنتظر آرائكم لأعرضها عليها..
Bookmarks