بسم الله الرحمن الرحيم
اخواني واخواتي الاعزاء الافاضل بالقسم السياسي على مافي هذا القسم من مشاكل ومهاترات بين الاعظاء وبما فيهم انا الا انه يعتبر من افضل الاقسام لدي بالرغم انه كان سبب في تبنيدي :p
المهم راح اكلمكم في الموضوع اللي فعلا كان شاغل بالي من اول ما سجلت في هذا المنتدى وهو انقسام الاعظاء فيه الى فئتين فئه مؤيده للحكومه وفئه مؤيد للانفصال وهم اهل الجنوب لدرجة اني تخيلت ان اليمن عباره عن دولتين داخل حدود وحده .
واكون صريحه معاكم قبل فتره بسيطه واثناء ماكنت اتصفح في مواضيع القسم السياسي لفت انتباهي موضوع لاحد الاخوه من اهل الجنوب وكان يتكلم فيه عن جمهورية الجنوب العربي وذكر فيه عدة امور ومنها مساحة الدوله وعدد السكان واللغه والدين وتضاريسها وامور كثيره وكانها دوله كامله .
اخواني الافاضل من كلامي هذا يشهد الله ان نية صادقه وصافيه ولااريد من موضوعي هذا اشعال فتنه بين الاخوان اخوان الارض الوحده وان كنتم ماتعترفون بوحدة الارض فانتم اخوان من الدم والاصاله والعراقه انتم من مدحكم واثنى عليكم رسول الله يايمن الحكمه والايمان ياارق قلوب والين افئده .
وبعد كل هذا الكلام وبحكم اني سعوديه واجهل الكثييييير من الامور احب اسالكم عن عدة نقاط .
النقطه الاولى ابي منكم تشرحون وتوضحون لي عن عام الوحده 94هل كانت في هذيك الفتره اليمن مقسومه الى قسمين ثم توحدة الى يمن واحد .
النقطه الثانيه من ردود بعض الاخوه المطالبين بالانفصال كان سببهم في ذلك هو ما يعانونه من اضطهاد من الحكومه وحرمانهم من ابسط حقوقهم .
سوالي لهم لو قدر الله وسخر لكم حكومه عادله وكانت سبب في ازدهار ورقي اليمن هل ستستمرون في مطالبكم بالانفصال بالرغم انكم تعتبرون اليمن دوله مستقله وتعتبرون الجنوب العربي كذلك دوله لها استقلاليتها وان اليمن دولة احتلال ام انكم سترضون بالوحده على حسب ماتجدون فيه مصلحتكم .
ارجوكم اخواني الاعزاء اريد ان اعرف وجهات نظركم بعيد عن السب والشتم وكل من يدخل يدلوا بدلوه من غير مانخرج عن الوضوع لاني ماني ناقصه انطرد ثاني مره
و لا اكون سبب في طرد احدكم واتحمل عتق رقبه :p
ملاحظه // دائما اسمعكم تقولون اهل الشمال والجنوب والوسطى ليييييييييييش يعني ماانتم مثلنا عندنا المنطقه الشرقيه والمنطقه الغربيه
تحياتي لاهل الشمال واهل الجنوب.
Reply With Quote
Originally Posted by سعوديه جنوبيه
Bookmarks