صباح الخير احنا اليوم نسال وين حقوق المرأه ليش النظرة للمرأة صارت البيت والابناء والزوج وانتهى مشوارها مع أنها فعهد الرسول اشتغلت مناصب كبيرة ولها مكانتها الصراحة أنا أعيش في وسط المجتمع الاماراتي من أول يوم خلقت فيه وأنا أشوف المرأه تاخذ حقها بالكامل عندنا المرأة تشتغل كل المناصب التي تتخيلوها بس لما سافرت اليمن شفت اختلاف 80 بالمية عن الوسط اللي عشت فيه المرأة فاليمن محرومه من حقوقها فالحياة مع انها بدأت تأخذ ببعض الحقوق لكن حقوق عادية وأنا أقصد حقوقها فمجتمعها من حقوق العمل والاختلاط طبعن كلمة الاختلاط تسبب للرجال نظرة بايخة لكن المرأه لو كانت بين 100 رجال بتحافظ على بريقها لأنها جوهرة خلقها الرب لتحمل نصف أعباء الرجل مش عشان ينظر لها المجتمع نظرة فيها القليل من التعقيد وبالنهايه البنت لما تطلع من بيتها تحط بين عيونها ربها وأهلها وسمعتها تصورو البنات اليمنيات هنا والأغلب مش متنقبات لكن أول ما يوصلو مطار اليمن يلبسو النقاب ليـــــــــــــــــــــش؟؟ لان الناس ما تخلي حد بحاله وأنا أعترف أنا اول واحدة السنة الماضية أول ما وصلت مطار اليمن بدت العيون وبدت الغمزات والكلام استغربت ليش هالتصرفات ليش؟؟؟ كيف المرأة بتطالب بحقوقها باليمن وهي أصلن اذا نزلت الشارع محد بيخليها بحالها المهم أكمل لكم مشواري أول ماوصلت حطيت أغراضي بالسكن نزلت أنا وواحدة من صاحباتي جمب السكن نشتري شرايح تلفون عشان نكلم أهلنا استقبلنا واحد بالشارع قالنا ::::
( جني مكانتكن بالشارع قرين؟؟؟؟؟؟) طبعن احنا على نياتنا هو قدو كبير بالسن قلناله احنا اليوم وصلنا باين عليك مخربط ؟؟؟ قال لالا باين عليا مشبه!!!!!!!!
ومن ذاك اليوم واحنا خلاص تأقلمنا عالوضع ليش لان المجتمع كذي فيه السيئ وفيه الحسن لكن السيئ غلب وطبعن اضطريت ألبس النقاب لأني طفحت من الكلام مع أن أنا للعلم مش متبرجه طبعن الخلاصة لازم الرجال يفسحو الطريق للمرأه و المجال انها تاخذ حقوقها بالحياه وخاصة التداخل مع المجتمع بعدين يد واحدة ماتصفق هات ايدك يارجل وانتي يامرأة هاتي يدك وشوفو اشلون بيصير المجتمع كيف بيرتقي للاحسن بإذن الله تحياتي لك ياوطني ياتراب أغلى من كنوز الدنيا اسمحولي على الإطاله وعلى المداخلة