من روائع فزاع

**شيخة اليمن** · 31-12-2009, 06:02 PM

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

من روائع الشيخ
حمدان بن محمد بن راشد ال مكتوم
فزاع
أخترتها لكم
ان شاء الله تعجبكم

يا أيهـــا

تعال يا وجه السعد واشطب على الوجه البغيض ... يا حــيٌك وطلتــك في وجهي بعد يا حيٌـها
تنعشني انعاش الشفاء العاجل لقلب المريض ... يا أيــها . . تـدري يا لبٌـــيك وش يا أيٌـها؟
ما انته بزيٌ الناس واكتبها لك بخط عريض ... تبغيني احلف ؟ لا ورب البيت ما انت بزيٌها
ياللي غرامك في خفوقي من كثر قدره يفيض ... النفــس تندب حظها والعين تبــكي حيٌــها
من عَوَضْـكَ لْيا فقدتك وان وجد كيف استعيض ... وانت النهار وشمسه وشجرة غلاي وفيٌها
هاجرت واصبح زوالك فـ عيني يهاجرني وميض ... يا أول جــروحي دخيل الله من تاليٌـــها
أحيا حلى وصلك واموت بكل برد وكل قيض ... تظما مشاعر خافقي لك وانت سبٌة ريٌــها
لبيك ياللي من عشقتك قمت احس اني حظيظ ... يا مغويٍ نفسي ونفسي ذايبه من غيٌــها
أنا اعرف ان كل الليالي سود وألايام بيض ... دامـك معي ماهمني في كثرها وشويٌـــها

****************

إلى (أمّي) .. مع التحية

وش خانة (دبي) وْبَحَرْهَا مادام شمس (دبي) ما حَدّ
تبكي فيافيها وشجَرْهَا والطير عيّا ما يغرّد
و(زعبيل) لى مظلم قصرْهَا ما به سوى صوت الصدى يْرِدّ
وِنْجوم تسأل عن بدرها لى ينير داجي الليل الاسود
يا شمعة الدار وسفرْهَا يا امّي من الشوق آتوقد
إن كان شِعْري ما حصرْهَا الاشواق تظهر في التنهد
تجيب لي النسمه عطرها لى يْغَار منّه فايح الورد
القلب ينبض به ذكرها وِطْيوفها في العين ترقد
الله يطولْ في عمرْهَا وتبقى لنا وبعمرها يمِدّ
وعساه ما يطولْ سفرْهَا وِلْنا بخير انشا الله تْرِد

********************

عَوّضوك بْغيابي

عَوّضوك ْبغيابي لا تقول انّي َوحَشْتك لا تجاملْ دخيلك في شعور يْعَنيني
بَسّ يكفي كفايه لا تمادى عَرَفْتك خَاين الحب مَا له في فوادي حَنيني
إنت ياللي بعيني حِلْم عمري رسَمْتك وكيف تجرح خفوق يعشقك من سنيني
أحسبه زاد حبّي في غيابي وْحسَبْتك ما تجاهَلْ وِدَادٍ كان بينك وْبيني
كَم سَهَرت الليالي وكم ليله سَهَرْتك وكم ليله خَيَالك نام في وسط عيني
وكم قل لي دخيلك كم ليل اْنتظَرتك كم قل لي تِفَضّل، كم صَدّك يجيني
كنت تجري بْدَمّي لا نزَفْته نزَفْتك كنت ساكن خيالي، داخلي مِحتويني
من كتَبْ الحروف الأبجديّه كتبتك "لامَه" إن كان تبغي أوَّلْ الحرف "سيني"

***********************

ثلاث أيّام

ثلاث ايّام مرّن في حياتي غير ثلاث ايّام عشت الحبّ واغليتك
ثلاث ايّام واتهجّى كلام الطير كلام أعْذَبْ من اعْذبْ من تفدّيتك
رسالة حبّ شاهدْها غلا وْتعمير على فْوادي تربَّعْ واسْكنْ فْـ بيتك
أقول إشْ قد انا عطشان وانت البير دَلو فكري نَضَحْ من كلمتي ليتك
أقول الـ(ما يصير) لْعينك انت يْصير ولو حتى بْثرّيا الكون حطّيتك
حبيبي والغلا صوره بلا تصوير صوَرْها بكل رَمشة عين أنا ريتك
حبيبي والعطا يحتاج للتقدير إذا صرّحت أنا اللي حّيك وْمَيْتك
ثلاث ايّام مرّن في حياتي غير ثلاث اّيام عشْت الحب واغليتك
ثلاث ايّام لكن ما ادري شِ التفسير بس.. ادري من ثلاث ايّام حبّيتك

****************

سكر زيادة

الله يغمرك بالهنا والسعاده .. ياللي جعلت ايامي افراح وياك
في نظرتك هيبه شموخ واراده .. وفي وقفتك تكثر بعيني مزاياك
واشوف ليلي بشعرك وسواده .. واشوف شمسي مشرقه في محياك
واشوف في رمشك جيوش الاباده .. واشوف في عينك مدارات وافلاك

سماع صوتك حزة النوم عـــــاده .. صار السهر .. شي اساسي بلياك
طلع معي سكر على غير عاده .. وهذي سبايب كثر وصلك ولاماك
في شفاتك الثنتين سكر زياده .. حاول تقلل نسبته في شفايااك
يمشي على شورك ويترك مراده .. قلب يحبك لأن .. ما عنده ادراك

وان غبت قلبي معلن لك حداده .. وان جيتني .. متعه حياتي بلقياك
خلاص انا قررت .. وبــلا هواده .. أفارقك واشبع خفوقي بفرقاك
تعبت من كثر الفرح والسعاده .. ابغي اجرب طعم الأحزان وياك

***********************

يوم الوداع

لشفتني ضايـق وأهـل الدمـع وأبكـي باقتنـاع
لا تحزنـك عينـي ولا تشـره علـى دمعاتهـا
أنا فقـط حبيـت أدربهـا علـى يـوم الـوداع
أحبابنـا قاسـيـن والأيــام هــي عاداتـهـا
مهما جلسنا نضحك ونأخذ مـن الحـب المتـاع
لابـد لحظـات المفـارق نرتشـف كاساتـهـا
حتى لو أكـذب وأتوهـم حبنـا وهـم وخـداع
الدمعـة اللـي فـي عيونـي تعكـس معاناتهـا
حتى خفوقي لو يقول انه علـى بعـدك شجـاع
ساعـة فراقـك مستحيـل إن يحتمـل لحظاتهـا
كلما نظرت لرمش عينك جيت لأمرك بانصيـاع
تقـول كـن الجاذبيـة فـي هـدبـك إثباتـهـا
بشبع عيوني من عيونك شوف قـدر المستطـاع
عـل وعساهـا تكتفـي بالشـوف مـن لذاتهـا
من قبل أعرفك كان شعري من ضياع إلى ضياع
والحين يمشي بـس لعيونـك علـى مرضاتهـا
لو ما ذكرتك في قصيدي صار شعري في صراع
دفاتـري تبغيـك تتواجـد عـلـى صفحاتـهـا

*********************

عاشق شعر

يا عاشق الشعر شلي بينك وبيني ...إلا بيوت عباد الله تناقلها
الشعر بحساسه يمثل مضاميني .... والناس بحساسها انا امثلها
قدام تكت على الاشعار بيتيني ....تتعب على قيمة الفكرة واحللها
الشعر ما هو قصايد بالدواويني ....الشعر افكاار والمبدع يوصلهااا
بعض القصايد قوافيها ما تغريني ....لا اعجب بها ولا اعجب بقايلها
وبعض القصاايد كأنها عايشة فيني ...القافية قبل ما تكمل اكملها
ان طولت كأن شاعرها يسليني ...وان اقصرت قلت ياليته ما طولها
ترسم معاناتي الي عشت في سنيني ...وتقول قصة حياتي لك من اولها
اربيت والمجد جيته الطابق الجيني....رحلته صعبة ولكني مواصلها
لو يكبر الحمل لي كتف يواسيني..كتف ليا كبرت الحملات حملها
تحت مظلة الاحاسيس المحبيني...من شمس جور الزمن نفسي اظللها
شوف كوكب الشرق نوره مال في يديني...وحقول عزمي نجى حادي سنابلها
لا تشفني قزم في عينك وانا عيني..تشوفني اكبر من الارض بكملها
ما كان متوقعين من الالف عشريني..ابي موقف في برجلي في محافلها
علمه احبائي وعلمه معاديني ....يا وقت واهل الذهول والنصر يذهلها
اللي ما عنده كرامه لا يخاويني ....ان كان ما بدل الاخوة ببدلها
ارفيقي الي له ضاقت يواسيني ..اللي له مالت الدنيا يعدلها
ما ابغى رفيقن الا ضاقت يخليني ...واهل الفعايل تمهلها فعايلها
ان قلت يا صاحبي وش بينك وبيني...بقولك كلمة وحده وحللها
اعلمك ليه مشكي ميلة اسنيني....عليك والنفس بعدي صار مشغلها
اخاف بكرة تميل الارض في عيني ....وتكون انت الرفيق الي مميلها

*********************

صورتي في الجريدة

من يوم حصل صورتي في الجريـده..... وهـو يداعبنـي بسـلـك التلـفـون
صورة بليـا صـوت هـزت وريـده..... يا الله عسى ما يشوفني في التلفزيـون
كل يوم مرسـل لـي رسالـة جديـده..... عنوانها قلبـا ً مـن الحـب مخـزون
المشكلة ما أعرف وش اللـي يريـده..... في كل ليلـة ولـه نظامـا ً وقانـون
يا أهل العقـول الواعيـات الرشيـده..... لـو أنكـم فـزاع وش بـا تسـوون
لقلـت لـه سالـف بجملـة مفـيـده..... سولف ولكن دون معنـى ومضمـون
قاطعتـه بلهجـة شـديـدة شـديـده..... عفواً أنا ما أفهم وش تقول وش لـون
حقيقـة وروعـة وفـعـلا ً أكـيـده..... بأنه حبيـب يسلـب القلـب ويمـون
يا اللي عيونـك عاملـة بـي مكيـده..... وخصرك مع سحرك ولا سحر هارون
و منحـرك يختـال بجمالـه لجيـده..... والردف كنه إبليس وإبليـس ملعـون
والفـذ حمـدان المكـارم رصـيـده..... وأنت بدون أخلاق عادي يـا مزيـون
خليت لـك ذكـرك الغـرام السعيـده..... واللي بقى جرحا ً ورى القلب مكنون
وكسبت لي مليـون شخـص بقصيـده..... وخسرت لي واحـد شريتـه بمليـون
والجـرح الأول لا تحـاول تعـيـده..... من دون ما تشرح لي الوضع من دون

**********************

بواحة الاسرار

بواحة الأسـرار منقـود منقـود
لا لا اتكلـم باللسـان الطليقـي . .
ترنيمة النهونـد وترنيمـة النـود
قام يعزفها حيل و أنا في ضيقـي . .
يا ذا البشر يا راعي الخيل والذود
كيف الخيانه لي تجي من رفيقـي . .
ما كنت بأعشقها ولا كنت بأعـود
لين اكتشفت انه هواهـا حقيقـي . .

في مقلتيك أنهار وبحـور وورود
لايق وفيك الوصف كلـه يليقـي . .
يا معادي للنقص تستاهل الـزود
وأنا لك بسمع الغـرام استريقـي . .
ارحمني بنظرة ترى نظرتك جود
مشاعري نامت ولا قلـت فيقـي . .
ظميان قرب شفتك سيـد الخـود
أخاف أموت فراق ما ابتل ريقـي . .

صحيح أنا محبوب للبيض والسود
لكن ما غيـرك لقلبـي عشيقـي . .
إليا فتحت العين ألقـاك موجـود
ذكراك ترسم صورتك في طريقي . .
ولا تشعل النارين يا مخصر العود
أنا بليـا عـود زايـد حريقـي . .

******************

صبري ملني

لمني في محجر عيونك حبيبي وخلني
خلني أشوف نفسي في عيونك واطمئن
دامك إن سلهمت بالرمش الظليل اتفلني
لعن أبو ذا الرمش كيف إني من أسبابه أجن
حبك الي تل قلبي من بعد ما تلني
صدق أنا ميت بحبك كانها عيونك كفن
اجمع الي باقي مني شتات ودلني
شوفني ذاك الغريب الي يدور عن وطن
صدك الي هد حيلي والجفا لي علني
ليه قلبين المحبة بالمحلة ما التقن
قلت أبصبر والصبر من زود صبري ملني
وقلت ابنسى وأثر طيفك صار له عقلي سجن
ضاعت قلوب المحبة والحزن ما ظلني
يا حسافة الليالي بالليالي ما انصفن
لا تهل دموع من عينك أخاف تهلني
خايف أطلع من عيونك لامن فيوم بكن

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي