غير انا راجعت نفسي وبينت الخلل

[القطامي]

تحيه طيبه وبعد

كنت هنا في يوم من الأيام وها انا اجدد عهدي بهذا المنتدى
فربما الذكريات لها تواجد في نفسي

ليتني يوم صرت شاعر مشيت اعلى مهل
مادريت ان القصائـد كـلام فـي كـلام
الظنون تصيـب وتخيـب والدنيـا دول
والشموس الشارقة مـا يغيبهـا الظـلام
هاجس العشاق ما ظنتي ياصل زحل
هو مجرد حلم يقلق جفوني بالمنام
لاتشب النار وتقول مـدري وش حصـل
ثم تبديني بوجهك وتقريني السلام
وش يحدك تخلط المر من فوق العسل
وانت ناوي تنهي السالفه من قبل عام
تاصل الأخبار واخباركم عندي تصل
وانت لو صديت وقفيت مثلك ما يلام
اعرف اميز دروب المفارق والوصل
وادري أن السيل جارف بعد مزن الغمام
غير انا راجعت نفسي وبينت الخلل
والخديعه منك صارت على صدري وسام
قصتي وياك صارت كما ضرب المثل
والصقر ما هقوتي يا تبرقع بعد حام


ودمتم بكل خير الشاعر :: ناجي الزهراني

[الهمس الحزين]

مافهمت الكلام بس قصيدة حلوة كثير كثير بس إنتبه تكون أصلا هي من قبل مبرقعة هااااه

[احمد امين]

حلوه هههههههههههههههههه
.........................
.......
...
.

[محمود العمري]

هاجس العشاق ما ظنتي ياصل زحل
هو مجرد حلم يقلق جفوني بالمنام
لاتشب النار وتقول مـدري وش حصـل
صح لسانك يالغالي ايه وربي لمست موقع الجرح
ابداع ابداع راقي وكلمات جميله صح لسانك ولا هنت

[علي المريسي]

صح الله لسانك ولا هنت
وعودة حميدة ان شاء الله
ومن طول الغيبات جاب الغنايم
وغنيمتنا عودتك وتواجدك بيننا من جديد
تحياتي

[احمد كحلا]

قصيدة حلوة

وحضور احلا

صح الله لسانك يا طيب