2040ff
يسعد صباح الورد في وجنتيــنك
ياللي حضورك في خيالي.....خيالي
ويسعد مسا هالليل في رمش عينك
ياللي هدب عينك ليااالي....ليااالي
وش بك تغض الليل بيني وبينك؟
فل الهدب خل العوالي....عوالي
مشتاق ازور الشمس بأعلى جبينك
وليا رجعت القى ظلالي....ظلالي
واكتب على اهدابك مواجع حنينك
واعدها مابين بالي.....وبالي
اعدها وانا وراها سجيـــــــــــنك
قل رمش..رمش..أو قل ظلالي...ظلالي
ياما سرت بي قبل اصافح يمينك
لا نادت عيوني..تعالي....تعالي
وانستني ايديني براحة يدينك
لاني معاك ولا لحالي....لحالي
ترحل بي عيونك لماضي سنينك
واشوف نفس اللي قبالي....قبالي
بينك..وبينك..بين زينك..وزينك
مغلي ومتغلي وغالي...وغالي
ياليت ماشفت الحقيقة تدينك
ولاً ياليت اللي بدالي.... بدالي
مابين رمشينك سروا عاشقينك
اللي سكت.. واللي حكى لي...حكى لي
عن رمشك اللي لا لمس وجنتينك
يخلي الشاعر خيالي...خيالي
Reply With Quote
Bookmarks