محتاج لي قلب...................

[الرهيب]

....................محتاج لي قلب يفهم لي معاناتي

محتاج افضفض عن اللي في شراييني
......................محتاج اسولف من اولها حكاياتي

محتاج كـف على كـتفي تهديني
......................لاجيـــت ضايع تجمع لي شتاتاتي

محتاج لـي عين ترقبني تراعيني
.........................تبكـي اذاغبـت وتـدور محطاتـي

محتـاج كل شي بالدنيـايواسيني
.......................مليـت غربه وملتـني مسافاتـي

يكـفي تناسيت حتىأقرب عناويني
.....................يكفي مضى الوقت ماقررت غاياتي

مليت أكــــــــــابر وهالدنـيا تعنـيني
......................يكفي تجاهلت حتى اكبر عذاباتي

مليت أجامل قدم رجــــلي توديـني
...........................مليت أطيع الظنون تزيد مأساتي

مليت اجمـع قصايدحـزن تبـــــكيني
............................مليت اردد على النجمه عباراتي

مليت اخفي على نفسي بكـى عيني
.....................ـ......مليت امرر على قلبي جـراحـاتي

اوراقي مبـعثره والوقت يغريني
.............................اخاف اطيح بمتاهـه من متاهاتي

مدري انا الصح ولا الصح مخطيني
...........................مدري اناالعله اللي تزيد علاتي

محتاج اناظر لنفسي وامنع ايديني
.................عن طرف عيني وهذي هـي مـعانـاتي


تحياتي لكم

[الصقر الجريح]

والله العظيم

صحيح

بس وين اجده من يفهم ذا الكلام


خلاص هذا الشئ معدوم بالنسبه


او مستحيل

ولا كن على كل حال

الف شكرا خيي


اخوك صقر

[ريم الخليج]

صح لسانك يالشاعر

الصراحة كلماتك اثرت فيني وايد

وكانها تتكلم عن نفسي وعن احاسيسي


المهم احنا في انتظار المزيد