غيره المرأه على زوجها ، والزوج على زوجته (غيره طبيعيه) ومحد يقدر يلوم اي من الاطراف ،بالعكس مرات تقوي العلاقه بينهم اكثر لانها تدل على الحب والاهتمام.
غيره الاب على بناته برضه طبيعيه وهذا من حرصه وخوفه عليهم.
غيره الاخوان من بعضهم برضه طبيعيه تصير بين الاخوان مثلاً اعطيت واحد منهم شغله والثاني لا ، يغير يقول وانا ليش..!
نغار على الذين نحبهم
لأننا نحبهم
ونغار على الذين يحبوننا
لأننا نحب أنفسنا !
في انواع كثير للغيره
انا مرات اغار على صديقتي اذا شفتها انشغلت عني بصديقه ثانيه او اعطتها شي وانا لا..
غيره الزملاء بالدراسه او العمل ، مثلاً اشوف زميلتي تدرس احسن مني ودرجاتها اعلى مني
لما اغآر منها واطور من نفسي ويتحسن مستواي هنا تكون الغيره حلوه ومفيده، لكن لما اغآر منها واحمل بقلبي حقد عليها وليش هي اشطر مني واستقصدها بكل غلطه لها مشان ارويهم انه غلطت، هنا تكون غيره خبيثه وتصير نوع من الحقد والحسد.،
بالغيرة ..
إذا كنت غير متأكد
من إحساسهم تجاهك
فقد تكشف لحظات ضعفك
لمن لا يستحق!
ليش مانستخدم الغيره صح ..؟
ليش نشوف كل واحد يدور اغلاط الثاني ..؟
ليش بعض البنات اذا شافت وحدة احلى منها تقول لايغركم شوفوها فاشله بدراستها ماتقول ماشاء الله عليها حلوه ..!
ليش اذا شافت وحدة غنيه تقول هي صح عندها فلوس لكن اخلاقها زفت.. ماتقول الله يزدهم ويهديها ..!
احيانًا توصل الغيره بالبعض لتصرفات ماكان يتوقع انه يعملها
ممكن واحد يشوف اخوه مبسوط ومتهني بحياته بدل مايقول الله يهنيه ، يروح يخرب عليه اي شي ، واذا حد سأله ليش؟ يقول: ليش عنده كذا وكذا وانا لا ..!
معروف البنات غيرتهم اكبر ، صح الرجال يغارو كمان لكن مايبينوا غيرتهم مثل البنات ، البنات مفضوحات تعرف من نظرتهم انها تغار.
ابغى اعرف ليش الغيره تعمي قلوبنا وتخلينا مانشوف غير سيئآت الشخص مانشوف حسناته ..؟
ليش لو قلت لشخص ليش تغار مني يقولك: انا اغار منك انت ..! على ايش مافيك شي اغار منه..
[اذا عرفت انه في شخص يغآر منك ويترصد اغلاطك بس مشان يقلل من قيمتك لان الناس كلها تقول عنك كويس ]
،، كيف تتعامل معاه ..؟
منتظره ردودكم
تحيتي
بنت يافع
Bookmarks