بسم الله الرحمن الرحيم
اتخيلك ياللى على البال موجود
اتخيلك كالشمس تصدر ضياها
حبك بقلبي ماله حد وحدود
حبك سلب روحي واسر هواها
كشفت عن قلبي حسيت مفقود
كنه تركني وصار يطلب رضاها
الفاتنه اللى لها الحسن محدود
جمالها قد زاد حده حلاها
طلبتها واليوم حالف مااعود
الا وانااخطاي توازي خطاها
سبحان رب العرش سبحان معبود
لها جمالا ماوجد في سواها
هذه هي اللى اخذت عقل محمود
في ثغرها خمرا وماطيب شذها
لو خيروني ملك فارس ونمرود
فضلت اعيش بالفقر ولا احب سواها
الناس تناظر لي بالحب محسود
حبي لها بالصدق بالغ سماها
حبي لها موثق بحلفان وعهود
واجمل بنات الحسن تفدي حذاها
اعطيتها عهدي والحب مشهود
ماخونها وقلبي لربي شكاها
صارت هي الاولى على البيض والسود
وكلامها درا تقطر شفاها
واسمها محفور بالقلب اخدود
واصواتها بالبال تلاقي صداها
وانا اسالك يارب تكرم وتجود
ارحم قلب مشتاق يبغى لقاءها
شعر /محمود العمري
Bookmarks