مانـي بهـذا الوقـت انسـان موهـوم
احلـم واتطلـع لشـي غيـر صايـر
محبوب عنـد النـاس مانـي بمذمـوم
ما اشمئز مهما غـدى الوقـت جايـر
اوقات فـي راحـه واوقـات مهمـوم
وكـل شـي يصبـح بلحظـه مغايـر
راضي بحكم الله ومـا هـوه مقسـوم
اعمـل بشرعـه والتـزم بالشعـايـر
في وقت كلا قال انـا انسـان مظلـوم
حزين طول الوقـت مجـروح حايـر
والبعض في الا سبوع له يوم مشئـوم
والبعض بافراحه علـى طـول طايـر
نـاسٍ مملـه كنهـا طـايـر الـبـوم
يمشو طـوال الوقـت داخـل دوايـر
لكننـي بامشـي علـى درب مرسـوم
على الاقل اعرف الـى ويـن سايـر
اذا وصلت اوصل الـى شـي معلـوم
ان رحت"مستكفي"وان جيـت "زايـر"
قلبي نقي والبغض به (شبـه) معـدوم
في وقت به قد قـل صـدق الضمايـر
واذا غدى جانب مـن الحلـم مهـدوم
رجعـت حلمـي مثـل دار البشـايـر
البعـض قالـو آدمـي غيـر مفهـوم
والله يعلـم مــا تـكـن السـرايـر
باللي يقول الناس مـا كنـت مصـدوم
ماغيـر طبعـي سـلـوم العشـايـر
يا ما شربت المر مـن كـاس مسمـوم
حتى غدت عنـدي سمومـه عصايـر
شاجع وما اتكلـم اذا صـرت مهمـوم
ويروق لي تدخيـن بعـض السجايـر
وان جا يطالب حربي انسـان مزعـوم
لا والله الا قـام بـاحـدى الكبـايـر
لو هو جمع لي قوة الفـرس والـروم
بادخل طقوس الحـرب مغـوار ثايـر
وان شفت نفسي صرت مهزووم مهزوم
قد بانسحب واخـرج باقـل الخسايـر
للشاعر وليد الكهالي
Bookmarks