هاليومين سلمكم ربي في 24شعبان
يعني باقي كم يوم وهذا رمضان جاي
وحنا يالعرب رايحين جايين ودنا شغلنا يخلص عشان نخلص ونقضي امور رمضان
عشان بهالشهر نرتاح مايكون علينا شي
وقديمكن مانجهز الا30% والباقي برمضان
المهم ماعلينا من هذا كله
قبل رمضان ب5ايام الى3ايام نطلع الجوال ونقوم ندز الرسايل للحبايب والاخوان
واول ماتجيك رساله سو لها اعادة ارسال وناظر تحديد الكل ومن ثم ارسال الى الكل
واوال ماتجيك رسالة رد من الشخص اللي انت مرسل له تكون مرتاح تحس انك سويت واجب معه
وذا عادك اتصلت تبارك بالشهر الفضيل مدري وش راح يسوي هالشخص اللي انت متصل عليه من زود الفرحه
يااخوان المساله مب مسالة رساله او مكالمه
المساله هنا مسالة شخص طريت بباله واتصل او ارسل
شوفو تخيل انت واحد دايما سباق هو اللي يتصل ويرسل وكل مافكرت تبي تتصل عليه تلقاه هو اللي يتصل قبلك ؟
راح تكون مبسوط منه ومتجمل وكانه مدري وش سوى لك
وكلها مكالمه اورساله
فيااخوان ليه حنا مانخلي الرسايل والمكالمات الا وقت الاعياد !!!!!!!!!!!!!!!!!
ليه مانواصل اصدقانا واخويانا ومن يعز علينا دائما طالما ان المساله ماهي مكلفه شي !!
ولا وش رايكم ؟؟؟؟؟؟؟؟؟؟
ومضه:-
اهلا هلا لوهي رساله بلاصوت --- يكفي تجيني من قداكم رساله
Bookmarks