أخواني الطلاب الكرام
أيها العباقرهـ الكرااام
يامن حاربتم ببسالة في الأيام الماضية
يامن قاتلتم بشراسة
ومنتصرين بإذن الله
هانحن اليوم نخرج جنوننا على اسياد من كنا نحاربهم
^^^^^
شلون الفلسفه الي فوق
*
*
*
المهم تخيلو معي الحين يالله
انا العلماء الي اكتشفو المواد الي ندرسها
مجتمعين في برنامج
المهم يه إتصال من صاحب السمو الطالب الكريم
تابعو معنا شنو قال صاحب السمو الطالب الكريم
طبعاً العلماء الموجودين هم علماء
الرياضيات
الفيزياء
الكيمياء
النحو
تابعو معنا ماذا حصل
::
مقدم البرنامج : معنا إتصال من صاحب السمو الطالب الكريم .. السلام عليكم ياصاحب السمو
الطالب : وعليكم السلام ياخي الحين انتو قاعدين تبربرون هني
عطني عطني علماء الفيزياء الي يمبك بالله
عالم فيزياء : هلا والله طال عمرك
الطالب : انت تعال تعال الحين الي معاي نيوتن ولا انا غلطان ؟
عالم فيزياء ( نيوتن ) : اييه نعم ياطويل العمر معك نيوتن ملك الجاذبية
الطالب : جاذبيه تجذبك لجهنم قول آمين .. الحين انت يامال الغنيمة رجال جالس تحت شجرة طاحت عليك تفاحه
ياخي ليش ماتاكلها وتحمد ربك وتسكت وتريح العالم ياخي .. قاعد تقولي التفاحة ماطاحت فوق ليش ...
انت مينون مينون انت .. وبعدين طاحت عليك التفاحه خلاص ياخي طلع قانون واحد وريحنا مسوي قلق
لنا ياخي ومطلع كتاب كامل ياكلب الحين لعنبو بليسك انت ماعندك عيال ماتفكر بالأجيال القادمة الأجيال القادمة
نيوتن : ........................ ( يعني ساكت هع )
الطالب : عطني عطني عالم الرياضيات الي يمك عطنياه .
عالم الرياضيات : مساك الله بالخير ياطويل العمر
الطالب : الحين انتم فهموني انتم خبول ولا شنو الحين الطلاسم الي حاطينها لنا ( جا - جتا - ظا - ظتا )
قلة الحيا هذي شنو ها-هاـ شفايدتها هذي .. مسويلي مثلثات ومدري وشنو الله يزيلكم انتم ومثلثاتكم ياخي خافو
ربكم ياخي والله عيب ياخي عيب
ياخي انتم تكبرون السالفة وهي قصيرهـ الرياضيات خلاص جمع طرح قسمة ضرب وخلاص شنو قله الحياء هذي ..
عطني عالمكم الكبير فيثاغورس عطنياهـ .
فيثاغورس : هلا والله ياطويل العمر
الطالب : هلا فيك الحين انت فتحت علينا باب ماضنتيي انه بينصك يوم انك تحط قانونك حق المثلث قائم الزاويه لييش
قامت عليك القيامه بله هاهـ ليش؟ جاوبني ليش ؟
فيثاغورس : هذا العلم طال عمرك العلم ..!
الطالب : احلف .. هذا علم ..! والله احسبه بوفيه تبيع كبدهـ .. ادري انه علم
انا اقول ليش مسوي فيها ذيب وجالسلي تكتشف لييه هااهـ لييه
فيثاغورس : عشان طال عمرك نشغل مخنا
الطالب : شغلو عليك منشار ينشرك بله .. ياخي شدخلك في الناس يشغلون مخهم يطفونه يفصلونه انت شعليك
انت شغل مخك وبس ولا عليك من الناس ياخي والله العظيم قاعد تبربر هني ولا تدري وش السالفة عطني عالم
الكيمياء الي يمبك عطنياهـ .
عالم الكيمياء : هلا والله طال عمرك
الطالب : لاهلا ولا مسهلا ابسألك سؤال لو سمحت .. انت حمار ؟
عالم الكيمياء : لا شدعوى طال عمرك
الطالب : الا حمار الحين انت شنو هالقافة الي فيك مخليتك تشوف الذرة و مكوناتها ومادري وشنو .
. احد شاكيلك ولا شي ياخي خل كل شي مكانه ياخي .. عطني عالمكم رذرفورد عطنياهـ
الطالب : ياخي انت مريض ياخي ياخي خل الناس في حالها ياخي جالس تفتش الذره و مكوناتها و شعليك
من الذرة ياخي انت بس تكتشف وحنا الي ناكلها ياخي حرام عليك ياخي .
رذرفورد : بس ياطويل العمر ...
الطالب : لاطويل عمر ولا قصير عمر لايكثر وعطني عالم النحو الي عندك سيبويه عطنيه
سيبويه : أهلاً وسهلاً بك ياصاحب السمو
الطالب : ويحك ياكلب ألحين انت يوم تسوي فيها ذئباً وضرغاماً وتجي تقولي شنو الي ينصب المضارع وشنو الي
يجزمه ومدري شنو لماذا هاه أخبرني لماذا هل سندخل الجنه ان عرفنا اين المضارع واين الماضي اجبني يافتى ؟
سيبويه : لا طبعاً ياصاحب السمو
الطالب : اجل مرهـ ثانيه اقلب ويهك ولا تسوي فيها ذيب .
مقدم البرنامج : بس ياطويل العمر انت يعني
الطالب : اقول انتم الظاهر ماتربيتو تبينا نربيكم بنربيكم قاعديلي هني تبربرون ..
عالم ( عندهـ واسطه ) : لاياطويل العمر حنا متربين
الطالب : لاماتربيتو لو انكم متربين جان ماسويتو الي تسوونه .. الحين انتم قاعدين فاضين وكل واحد يأشر للثاني
هاه ابوفلان نكتشف شي جديد يالله (فوقه.. وحنا الي ناكلها ياكلاب .
مقدم البرنامج : ياطويل العمر انت فاهم الموضوع غلط حنا راح نوضحلك ..
الطالب : طوط طوووط طوووط <<< سكر بويوههم
المهم وفي الختام أتمنى اني طرحت الإبتسامة في وجيهكم <<< حلوهـ طرحت الإبتسامة
صـاحـــب السمــــــــــو الطـــــــــــالب ..
Reply With Quote
Originally Posted by بنت يافع
Bookmarks