تبي تمشي وتتركني ...... تبي ترحل وتجرحني
حبيبي لا تروح بعيد ...... تعال بقربي واذبحني
فرحني مره بجيتك .....
وارسم وسط ليلي قمر...
واسأل عن أحوال الهوى
شلي بقى وشلي اندثر
وأسال عن أحوالي أنا
ولا تنتظر مني الجواب
دام الحقيقة واضحة
وتغنيك عن كل الصور
إنسان ... يمكن تعتقد
عايش مثل باقي البشر
بس الحقيقة تختلف
عن البشر صرت اختلف
واللي تشوفه بهيئتي
بقايا انسان واندثر
انسان عاجز للاسف
وخانته كل الظروف
انسان راضي بالقدر
صابر على حكم القدر
خنته وبعته بالهوى
من بعد ما ظهره انكسر
ونسيت لو مره تجيه
وتساله شلي يبيه
خليته وحده للالم
يعيش في دنيا العدم
وكل ما احاول اوصلك
تصد عني وتبتعد
مليت مني للاسف
وشفت لك غير حبيب
اصبحت عني منشغل
وبكل موعد تعتذر
ما دام لك خلٍ جديد
نساك حبي والهوى
خلاك تنسى عهدنا
ما نفترق مهما جرى
وعشت في حبه سعيد
وما يوم حبي لك طرى
وما جا على بالك تجي
تشوفني وتسال علي
ظنيت ان اللي جرى
فيني ما يمكن يطيب
بس الامل بي ما انقطع
وحقق الله ما اريد
واللي بقى مني انجمع
وصرت انسانٍ جديد
ودارت ايام الزمن
وصرت مثلي تستغيث
تعيش في ليل ٍ حزين
وصرت لجروحي وريث
اصبحت مثلي للاسف
وكل اصحابك نسوك
خلوك تشرب دمعتك
من نفس كاسي جرعوك
لكن تصور ما نسيت
انك حبيبي الاولي
وجيت متلهف عليك
ابيع لاجلك دنيتي
نسيت كل اللي جرى
يوم اني عاجز منكسر
بوقف معك في محنتك
وامسح بكفي دمعتك
خلنا نساعد بعضنا
وفي الاخير بننتصر
يا قاسيه وكلك حنــان ...... يا ظالمه وكلك عدل
الغدر في عينك أمــان ...... سراب يوحي بالأمل
لك داخل عيوني مكان ...... حبك ملكني وإستحل
Bookmarks